प्रधानमन्त्रीद्वारा मधेस केन्द्रित दलका नेताहरूसँग छलफल

Share this
728shares
मुलुकी खबर
मुलुकी खबर
clock२०८३ साउन १५, शुक्रबार ११:४२

काठमाडौं। सुनसरीलगायत मधेसका विभिन्न स्थानमा भइरहेको तनावको स्थितिबारे प्रधानमन्त्री बालेन्द्र (बालेन) शाहले मधेस केन्द्रित विभिन्न दलका नेताहरूसँग छलफल गरेका छन् ।

सिंहदरबारस्थित प्रधानमन्त्री तथा मन्त्रिपरिषद्को कार्यालयमा जारी छलफलमा जनमत पार्टीका अध्यक्ष सीके राउत, जनता समाजवादी पार्टीका महन्थ ठाकुर, राष्ट्रिय मुक्ति पार्टी नेपालका अध्यक्ष राजेन्द्र महतो, आम जनता पार्टीका अध्यक्ष प्रभु साहलगायत सहभागी छन् ।

प्रधानमन्त्रीको सचिवालयका अनुसार अन्य नेताहरू लालबाबु राउत, रामकुमार शर्मा, समिम मियाँ अन्सारी, अमरेशकुमार सिंह र शरतसिंह भण्डारी पनि छलफलमा उपस्थित छन् । प्रधानमन्त्री शाहले बिहीबार पछिल्ला घटनाक्रमलाई लिएर देशवासीका नाममा सम्बोधन गरेका थिए ।

त्यस्तै उनले राष्ट्रपति रामचन्द्र पौडेल र उपराष्ट्रपति रामसहाय यादवसँग पनि कुराकानी गरेका थिए । बिहीबार नै गृहमन्त्री सुधन गुरुङ सुनसरी पुगेर पीडित परिवारसँग सहमति गरेका थिए ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.