२०८३ श्रावण १६, शनिबार ०८:३०
कहाँ मिल्छ र ! पैसाले संसारमा सबै थोक किन्न ।
आत्मसन्तुष्टि नभए सुखले पनि पार्न सक्छ खिन्न ।
जतिसुकै सुन्दर किन न होस् त्यो बिरानो ठाउँ ।
स्वर्गभन्दा महान् हुन्छ आफू हुर्किएको गाउँ ।
परदेशमा आफ्नो रहर बेचेर के कमाउँछौ अनि !
आफ्नै माटोमा बाँचे पो हुन्छौँ है संसारकै धनी ।
गोर्खालीको सन्तान हौँ हामी गोर्खाली हो नाउँ ।
स्वर्गभन्दा महान् हुन्छ आफू हुर्किएको गाउँ ।
सबै जना मिलेर अघि बढे मान्नु पर्दैन कुनै डर ।
एकताको शक्ति देखाउन कसौँ है अब कम्मर ।
पाउँदिन यस्तो शान्ति म विश्वको जताततै जाऊँ ।
स्वर्गभन्दा महान् हुन्छ आफू हुर्किएको गाउँ ।
अग्ला शिखर, विशाल पहाड, ठुला ठुला भीर ।
चढ्न सक्ने क्षमता भएका हामी नै हौँ आखिर ।
ओखती यही हरियो वनमा छ लागे पनि घाउ ।
स्वर्गभन्दा महान् हुन्छ आफू हुर्किएको गाउँ ।
हेटौँडा (मकवानपुर)
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी