२०८३ श्रावण १८, सोमबार १७:५४
काठमाडौं । मेडिकल व्यवसायी दुर्गा प्रसाईंविरुद्ध राज्यविरुद्धको कसुरसहित तीनवटा मुद्दामा अनुसन्धान गर्न प्रहरीले सात दिनको म्याद मागेको छ। जिल्ला प्रहरी परिसर भक्तपुरले सरकारी वकिलमार्फत जिल्ला अदालत भक्तपुरसँग म्याद थपको अनुमति मागेको हो।
आइतबार राति भक्तपुरको निकोसेराबाट पक्राउ परेका प्रसाईंविरुद्ध राज्यविरुद्धको कसुर, सार्वजनिक शान्तिविरुद्धको कसुर र विद्युतीय कारोबार ऐनअन्तर्गत अनुसन्धान अघि बढाइएको प्रहरीले जनाएको छ। उनी संयोजक रहेको राष्ट्र, राष्ट्रियता, धर्म, संस्कृति र नागरिक बचाउ महाअभियानले आइतबार दिउँसो पत्रकार सम्मेलन गरी आन्दोलनको घोषणा गरेलगत्तै उनी पक्राउ परेका थिए।
यसअघि पनि पटक-पटक पक्राउ पर्दै छुट्दै आएका प्रसाईंले गत वर्ष तीनकुनेमा गरेको प्रदर्शनका क्रममा दुई जनाको मृत्यु भएको थियो। पछिल्लो पटक उनी गत जेठ ४ गते पर्साको वीरगन्जबाट समेत पक्राउ परेका थिए।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी