२०८३ श्रावण १९, मंगलबार ११:२८
विराटनगर । श्रम संस्कृति पार्टीको क्विक रेस्पोन्स टिम (क्यूआरटी) का संयोजक ज्ञानु चाम्लिङले पार्टी स्वेच्छाचारी ढङ्गले सञ्चालन भइरहेको आरोप लगाउँदै ‘भण्डाफोर अभियान’ चलाउने घोषणा गरेका छन्।
विज्ञप्ति जारी गर्दै उनले पार्टीभित्र विभिन्न विसङ्गति बढेको उल्लेख गरेका छन्। पार्टी नेतृत्वले विधानविपरीत संगठन सञ्चालन गरेको दाबी गर्दै उनले शुद्धीकरण अभियान अघि बढाउने बताए।
चाम्लिङले हस्ताक्षर गरी सार्वजनिक गरेको विज्ञप्तिमा ३४ जना सदस्यको नाम समावेश छ। पार्टीको जनसंगठनअन्तर्गत सुरुदेखि नै जिम्मेवारी सम्हाल्दै आएको उक्त संगठनलाई सोमबार पार्टी अध्यक्ष हर्कराज साम्पाङले सामाजिक सञ्जाल फेसबुकमार्फत विघटनको घोषणा गरेका थिए।
अध्यक्ष साम्पाङले नयाँ सुरक्षा विभाग गठन गर्ने घोषणा गरेपछि पार्टीभित्रको युवा पंक्ति नेतृत्वप्रति थप असन्तुष्ट बनेको छ।
अध्यक्ष साम्पाङले संगठन सञ्चालनमा एकलौटी निर्णय लादेको, अलोकतान्त्रिक चरित्र प्रदर्शन गरेको तथा विधानविपरीत पार्टी सञ्चालन गरेको आरोप लगाउँदै स्थापनाकालदेखि क्यूआरटीमा रहेका सदस्यहरूले नेतृत्वप्रति तीव्र असन्तुष्टि जनाएका छन्।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी