नयाँ तलबमान : कति पुग्यो प्रहरीको तलब ?

काठमाडौं। सरकारले चालु आर्थिक वर्ष २०८३/८४ का लागि नेपाल प्रहरीका कर्मचारीहरूको नयाँ तलबमान कायम गरेको छ। नयाँ व्यवस्था अनुसार नेपाल प्रहरीका प्रहरी महानिरीक्षक (आईजीपी) को मासिक तलब ७८ हजार ५ सय ७६ रुपैयाँ र अतिरिक्त महानिरीक्षक (एआईजी) को तलब ८४ हजार ५ सय ७६ रुपैयाँ तोकिएको छ।

वरिष्ठ अधिकारीहरूतर्फ प्रहरी नायब महानिरीक्षक (डीआईजी) को मासिक तलब ७३ हजार ७ सय ५०, प्रहरी वरिष्ठ उपरीक्षक (एसएसपी) को ७० हजार ७ सय १४ र प्रहरी उपरीक्षक (एसपी) को ६७ हजार ९२ रुपैयाँ पुगेको छ। त्यस्तै प्रहरी नायब उपरीक्षक (डीएसपी) को ६२ हजार ५ सय ४६ र प्रहरी निरीक्षक (इन्स्पेक्टर) को ६० हजार ८ सय ७४ रुपैयाँ कायम भएको छ।

Advertisement

जुनियर अधिकृत र तल्लो तहका प्रहरीतर्फ प्रहरी नायब निरीक्षक (सई) को ४८ हजार ३ सय ८७, प्रहरी सहायक निरीक्षक (असई) को ४४ हजार ५ सय ७७ र प्रहरी वरिष्ठ हवल्दारको ३७ हजार ६ सय ४८ रुपैयाँ तोकिएको छ। प्रहरी हवल्दारको ३७ हजार ४ सय ५७, प्रहरी सहायक हवल्दारको ३७ हजार १ र प्रहरी जवानको मासिक तलब ३६ हजार ३ सय ३८ रुपैयाँ पुगेको छ।

नयाँ भर्ना हुने रिक्रुटले मासिक २७ हजार १ सय ७२ रुपैयाँ पाउनेछन् भने कार्यालय सहयोगीहरूको तलब तह अनुसार २८ हजारदेखि ४० हजार रुपैयाँसम्म निर्धारण गरिएको छ। सरकारले साउन १ गतेदेखि नै लागू हुने गरी यो नयाँ तलबमानका साथै १० प्रतिशत मासिक प्रोत्साहन भत्ता समेत उपलब्ध गराउने निर्णय गरेको छ।