२०८३ श्रावण २१, बिहीबार १५:०८
काठमाडौं । राष्ट्रिय सभाको बैठकमा सांसदहरूसँगको सवालजवाफका क्रममा आफ्नो भाषा ठाडो हुन पुगेको भन्दै गृहमन्त्री सुधन गुरुङले माफी मागेका छन्। निर्मला पन्त हत्याकाण्डका विषयमा प्रश्न नगर्न भन्दै रोष्ट्रमबाटै चेतावनी दिएपछि आलोचना बढेपछि उनले बैठकबाटै क्षमायाचना गरेका हुन्।
सांसदहरूलाई सम्बोधन गर्दै मन्त्री गुरुङले आफूहरूले अझै धेरै सिक्न बाँकी रहेको र सो क्रममा आफ्नो शैली रुखो हुन पुगेको स्वीकार गरे। ‘हजुरहरूबाट हामीले धेरै सिक्न बाँकी छ, सिक्दै जानेछौँ। मेरो तर्फबाट अलिकति ठाडो तरिकाबाट भयो जस्तो लाग्यो, यसका लागि म क्षमाप्रार्थी छु र माफी माग्न चाहन्छु,’ उनले भने।
विपद् व्यवस्थापनको विषयमा छलफल चलिरहँदा निर्मला पन्तको सन्दर्भ जोडिएपछि आफ्नो शैली कडा बनेको स्पष्टीकरण उनले दिए।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
