२०८३ श्रावण २४, आइतबार ०७:३४
काठमाडौं । थाइल्यान्डमा सम्पन्न नवौँ हिरोज अन्तर्राष्ट्रिय तेक्वान्दो च्याम्पियनसिपमा नेपालका शुभम रायमाझीले कास्य पदक जित्न सफल भएका छन् । रौतहटको चन्द्रपुर नगरपालिका–१ का रायमाझीले ५९ देखि ६३ केजी तौल समूहमा नेपालको तर्फबाट प्रतिस्पर्धा गर्दै कास्य पदक हात पारेका हुन् ।
उक्त प्रतियोगिता यही जुलाई ३१ देखि अगस्ट २ सम्म थाइल्यान्डमा सञ्चालन भएको थियो । प्रतियोगितामा विभिन्न देशका व्यावसायिक र प्रतिभाशाली खेलाडीहरूको सहभागिता रहेको थियो । कडा प्रतिस्पर्धाका बीच पदक जित्न सफल भएपछि रायमाझीले खुसी व्यक्त गरेका छन् । उनले अन्तर्राष्ट्रिय स्तरको प्रतियोगितामा नेपालको झन्डा फहराउन पाउँदा आफूलाई निकै गर्व लागेको बताए ।
‘अन्तर्राष्ट्रिय पदक जित्न पाउँदा अत्यन्तै खुसी लागेको छ,’ शुभमले भने, ‘यो सफलताले मलाई आगामी दिनमा अझ कडा मिहिनेत गर्न र देशका लागि थप उत्कृष्ट प्रदर्शन गर्ने हौसला प्रदान गरेको छ।’
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
×
×
