२०८३ श्रावण २४, आइतबार १२:५५
काठमाडौं । शुक्रबारदेखि सम्पर्कविहीन बनेका कपिलवस्तु नगरपालिकाका पूर्वमेयर तथा नेपाली कांग्रेसका नेता ६५ वर्षीय किरण सिंह मृत अवस्थामा भेटिएका छन्।
उनको शव निरन्तर खोजी गर्ने क्रममा आइतबार तिलौराकोट सामुदायिक जङ्गलमा फेला परेको हो।
जिल्ला प्रहरी कार्यालय कपिलवस्तुका प्रमुख एसपी मनोहर भट्टका अनुसार जङ्गलको बीच भागमा सिंहको शव फेला परेको छ।
उनी सवार लु प्र ०१०१३ प ७९७० नम्बरको मोटरसाइकल पनि सोही जङ्गल क्षेत्रमा बेवारिसे अवस्थामा भेटिएको थियो।
सिंह शुक्रबार दिउँसो २ बजेतिर घरबाट निस्किएका थिए। दिउँसो साढे ३ बजेतिर उनले आफ्ना निकट व्यक्तिहरूलाई फोन गरेर जङ्गलमा बाटो बिर्सिएको जानकारी गराएका थिए। त्यसपछि आफन्त र प्रहरी टोली खोजीमा जुटेका थिए।
आफ्नो समूहले सञ्चालन गर्ने कृषि फार्मतर्फ जान छोटो बाटो प्रयोग गर्ने क्रममा उनी जङ्गलमा हराएको स्थानीयले बताएका छन्। घटनाबारे प्रहरीले थप अनुसन्धान अघि बढाएको छ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी