कोशी प्रदेश प्रमुख खापुङसमक्ष लोक सेवा आयोगको वार्षिक प्रतिवेदन पेश

Share this
726shares
मुलुकी खबर
मुलुकी खबर
clock२०८३ साउन २९, शुक्रबार १६:५८

विराटनगर। कोशी प्रदेश प्रमुख परशुराम खापुङसमक्ष प्रदेश लोक सेवा आयोगका अध्यक्ष महेन्द्रप्रसाद गुरागाईँले आर्थिक वर्ष २०८२/८३ को वार्षिक प्रतिवेदन प्रस्तुत गरेका छन्।

प्रतिवेदन ग्रहण गर्दै प्रदेश प्रमुख खापुङले संविधान र प्रचलित कानुन बमोजिम आयोगले आफ्नो जिम्मेवारी इमानदारीपूर्वक निर्वाह गरिरहेको बताए। उनले आयोगप्रति आम नागरिकको रहिआएको भरोसा, विश्वास र आस्थालाई कायम राख्न जिम्मेवारीपूर्वक दायित्व र कर्तव्य पूरा गर्न सुझाव दिए।

सार्वजनिक प्रशासन एवं सुशासनका निम्ति आयोगले खेलेको भूमिकामा नै नागरिकको हित र अधिकार स्थापित हुने भएकाले जनताको विश्वास टुट्न नदिन संविधान, ऐन र कानुन अनुसार काम गर्न प्रदेश प्रमुख खापुङले आग्रह गरे।

आयोगका अध्यक्ष गुरागाईँले सार्वजनिक प्रशासनका माध्यमबाट आम नागरिकलाई सुशासन प्रदान गर्न योग्य राष्ट्रसेवक कर्मचारी छनोटमा विशेष ध्यान पुर्‍याइएको बताए।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.