कविता: जीवनको यथार्थ: सफलता र सुखी मन

भाइले आज फेरि ठुलो मान्छे बन्ने रहर गरेको छ ।
अब बुझ्ने जिम्मा उसकै हातमा बेलुन परेको छ ।

सफलता नाम पनि हैन दाम नि हैन सुखी मन हो,
चर्चाको चुचुरोमा पुग्नेहरू नै नजरबाट झरेको छ ।

जसलाई हुर्काउन आमाबुवाले ऋणमा डुब्नु पर्‍यो,
आज त्यही छोराले झर्को मानेर आँखा तरेको छ ।

परिस्थिति जस्तो भए पनि हालतलाई दोष नदिउन्,
घृणा गरेर हिलोमा फालेको कमल त सरेको छ ।

यहाँ जीवनको अर्थ सबैको समान कहिल्यै हुँदैन,
जसले धेरै माया गर्‍यो उसैको विश्वास मरेको छ ।