२०८३ भाद्र ४, बिहीबार २२:२९
काठमाडौं। विशेष अदालतले नक्कली शैक्षिक प्रमाणपत्रसम्बन्धी भ्रष्टाचार मुद्दामा नेपाल प्रहरीका प्राविधिक एसएसपी लालबाबु गिरीलाई दोषी ठहर गरेको छ। विशेष अदालतका न्यायाधीशहरू वासुदेव आचार्य, हेमन्त रावल र उमेश कोइरालाको इजलासले उनलाई दोषी ठहर गर्दै पाँच हजार रुपैयाँ जरिवाना सुनाएको हो।
भारतको बिहार स्कुल अफ इक्ज्यामिनेस बोर्ड, पटनाबाट प्रमाणपत्र तह उत्तीर्ण गरेको भन्दै गिरीले पेस गरेको रोल नम्बर ७१८ को क्रमसङ्ख्या नभेटिएको भनी बोर्डले पत्र पठाएपछि विशेष अदालतले उनलाई दोषी ठहर गरेको हो।
बिहारबाट प्रवीणता प्रमाणपत्र तह उत्तीर्ण गरेको नक्कली शैक्षिक प्रमाणपत्र पेस गरी उनले २०५२ सालमा नेपाल प्रहरीको सई पदबाट सेवा प्रवेश गरेका थिए। उनी पछिल्लो समय प्रहरी अस्पतालमा एसएसपीका रूपमा कार्यरत थिए।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
×