२०८३ भाद्र ६, शनिबार १८:५०
काठमाडौं । सरकार र ‘राष्ट्र, राष्ट्रियता, धर्म, संस्कृति र नागरिक बचाउ महाअभियान, नेपाल’बीच १४ बुँदे सहमति भएको छ। सहमतिसँगै महाअभियानले केही समयदेखि गर्दै आएको धर्ना तथा आन्दोलनका सम्पूर्ण कार्यक्रम आजैदेखि अन्त्य गर्ने निर्णय गरेको छ।
ललितपुरको पुल्चोकमा धर्नामा रहेका महाअभियानका प्रतिनिधि र सरकारले गठन गरेको वार्ता टोलीबीच भएको छलफलपछि सहमतिपत्रमा हस्ताक्षर भएको हो। प्रधानमन्त्रीकी प्रेस विज्ञ दीपा दाहालले सामाजिक सञ्जालमार्फत सहमितबारे जानकारी सार्वजनिक गरेकी हुन्।
सहमति पत्रमा सरकारका तर्फबाट वार्ता टोली संयोजक तथा प्रधानमन्त्री तथा मन्त्रिपरिषद्को कार्यालयका सहसचिव लिलाधर सुवेदी र महाअभियानका तर्फबाट वार्ता समिति संयोजक विष्णु बोहोरा क्षेत्रीले हस्ताक्षर गरेका छन्।
काठमाडौं उपत्यकामा केन्द्रित आन्दोलनका कारण उत्पन्न असहज परिस्थिति वार्ता र सहमतिमार्फत टुंगिएको बताइएको छ। अब महाअभियानले उठाएका मागलाई सरकारी प्रक्रिया र सम्बन्धित निकायमार्फत सम्बोधन गर्ने सहमति भएको छ।
सहमति भएसँगै पुल्चोकमा हुँदै आएको धर्ना पनि आजैदेखि हटाइएको छ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
×