२०८३ भाद्र ७, आइतबार ०८:५०
सुनसरी । ऊर्जा, जलस्रोत तथा सिँचाइमन्त्री विराजभक्त श्रेष्ठले सप्तकोशी नदीको कटानबाट हुने क्षति रोक्न तत्काल आवश्यक काम अघि बढाउने प्रतिबद्धता जनाएका छन्।
वराहक्षेत्र मन्दिरको स्थलगत अवलोकनपछि सञ्चारकर्मीसँग कुरा गर्दै मन्त्री श्रेष्ठले कोशी कटान नियन्त्रणलाई प्राथमिकतामा राखेर काम गर्ने बताए। दीर्घकालीन समाधानका लागि विस्तृत परियोजना प्रतिवेदन (डीपीआर) अनुसार काम अघि बढाइने उनको भनाइ छ।
कोशी नदीको निरन्तर कटान र बाढीको जोखिमले वराहक्षेत्रका धार्मिक तथा ऐतिहासिक संरचना जोखिममा परेको भन्दै गुठी व्यवस्थापन समितिले मन्त्री श्रेष्ठलाई ज्ञापनपत्र बुझाएको थियो। ज्ञापनपत्रमा चतरा–वराहक्षेत्र सडक स्तरोन्नति गर्न तथा धार्मिक क्षेत्रको संरक्षणलाई प्राथमिकता दिन माग गरिएको छ।
यसअघि मन्त्री श्रेष्ठले सुनसरी खोला, भोक्राहा नरसिंहस्थित सबस्टेसन, चतरा जलविद्युत् केन्द्र तथा सुनसरी–मोरङ सिँचाइ आयोजनाको न्यू इन्टेकको समेत स्थलगत अनुगमन गरेका थिए।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
×