२०८३ भाद्र ९, मंगलबार १२:१४
विराटनगर । मोरङको सुनवर्षीमा विषालु सर्पले टोकेर मंगलबार बिहानका राति एक जना बालिकाको मृत्यु भएको छ ।
सुनवर्षी नगरपालिका–८ हर्चनगढीका जाग्रुदिन मियाँकी छोरी १० वर्षीया रेहाना खातुनको मृत्यु भएको प्रहरीले जनाएको छ । आफ्नो घरमा सुतिरहेका बेला बिहानका राति २ः३० बजेतिर रेहानालाई सर्पले टोको थियो ।
दाहिने हातमा सर्पले डसेर अवस्था गम्भीर बनेपछि उपचारका लागि अभिभावकले रंगेली अस्पताल पुर्याएका थिए । उपचारकै क्रममा ३ः४५ बजेतिर चिकित्सकले मृत घोषणा गरिदिएको प्रहरीले जनाएको छ ।
प्रहरीका अनुसार रेहानालाई कुन प्रजातिको सर्पले डसेको हो भन्ने यकिन छैन । प्रहरीले घटनाको थप अनुसन्धान भइरहेको जनाएको छ ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
×