भोटेकोसी बाढीमा मृत्यु हुनेको संख्या ३८९ पुग्यो

काठमाडौं । रसुवास्थित भोटेकोसीमा आएको बाढीमा परेर मृत्यु हुनेको संख्या ३८९ पुगेको छ ।

नेपाल प्रहरी प्रधान कार्यालयका अनुसार बिहीबार बेलुका ९ बजेसम्म ८ जिल्लामा ३८९ जनाको शव फेला परेको हो ।

Advertisement

सबैभन्दा धेरै शव चितवनस्थित नारायणी नदी किनारबाट फेला परेका छन् । जिल्ला प्रहरी कार्यालय चितवनका अनुसार नारायणी नदी किनारबाट मात्रै १३७ जनाको शव निकालिएको छ ।

त्यस्तै, नवलपरासी पूर्वबाट ७ जनाको शव फेला परेको छ । रसुवामा १७, नुवाकोटमा २, धादिङमा ३३, गोरखामा ३२, तनहुँमा २८ र नवलपरासी पश्चिममा २७ जनाको शव फेला परेको प्रहरीले जनाएको छ ।

प्रहरीका अनुसार हालसम्म बाढी प्रभावित क्षेत्रबाट ४६६ जनाको उद्धार गरिएको छ । रसुवाबाट मात्रै २८९ जनाको उद्धार गरिएको छ ।

त्यस्तै, नुवाकोटबाट ९० जना, धादिङबाट ३ जना र अन्य प्रभावित क्षेत्रबाट ८४ जनालाई उद्धार गरी काठमाडौं ल्याइएको प्रहरीले जनाएको छ ।

प्रभावित क्षेत्रमा बेपत्ताको खोजी, उद्धार तथा शव खोज्ने कार्यलाई निरन्तरता दिइएको छ ।