विराटनगरको सडकमा बिरामी अवस्थामा भेटिएका पुरुषको मृत्यु

Share this
752shares
मुलुकी खबर
मुलुकी खबर
clock२०८३ भदौ १५, सोमबार १०:५०

विराटनगर । विराटनगरको सडकमा सोमबार बिहान बिरामी अवस्थामा भेटिएका एक जना बेवारिसे पुरुषको मृत्यु भएको छ ।

विराटनगर महानगरपालिका–९ चुलाचुली मार्गस्थित सडकमा बिहान ७ बजेतिर बेवारिसे पुरुष बिरामी परेको जानकारी प्रहरीले प्राप्त गरेको थियो । त्यसलगत्तै सीआरभी घोघा पुलबाट खटिएको असई रामकुमार यादव नेतृत्वको टोलीले उद्धार गरेर उपचारका लागि कोशी अस्पताल लग्यो ।

गम्भीर अवस्थामा भेटिएका पुरुषलाई अस्पताल पुर्याउनसाथ चिकित्सकले मृत घोषणा गरिदिए । मृतकको पहिचान खुल्न सकेको छैन । शव तत्कालाई कोशी अस्पतालमै राखिएको छ ।

पहाडे समुदायको जस्तो देखिने अन्दाजी ४५ वर्षीय पुरुषको पहिचानको प्रयास भइरहेको प्रहरीले जनाएको छ । ती पुरुष कसरी त्यहाँ आइपुगे र के कारण उनको मृत्यु भएको हो भन्ने यकिन भइसकेको छैन । घटनाको विस्तृत अनुसन्धान सुरु गरिएको प्रहरीले जनाएको छ ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.