३९ देशका ५९० विदेशी नागरिक अझै सम्पर्कविहीन

काठमाडौं । परराष्ट्र मन्त्रालयले रसुवाको भोटेकोशी नदीमा भदौ १० गते आएको अचानकको बाढीपछि ३९ देशका ५९० विदेशी नागरिक अझै सम्पर्कविहीन रहेको जनाएको छ ।

परराष्ट्र मन्त्रालयमा आज (सोमबार) आयोजित पत्रकार सम्मेलनमा मन्त्रालयका प्रवक्ता लोकबहादुर पौडेल क्षेत्रीले उपलब्ध तथ्यांकअनुसार ३९ देशका करिब ५९० विदेशी नागरिक अझै बेपत्ता रहेको जानकारी दिए । ‘उपलब्ध तथ्यांकअनुसार ३९ देशका करिब ५९० विदेशी नागरिक अझै बेपत्ता छन्,’ प्रवक्ता क्षेत्रीले भने ।

Advertisement

मन्त्रालयका अनुसार बाढी प्रभावित क्षेत्रबाट हालसम्म ९०३ वटा शव फेला परेका छन् भने करिब चार हजार २०० जना अझै बेपत्ता छन् । बाढी प्रभावित क्षेत्रबाट १० हजारभन्दा बढीको उद्धार गरिएको र उद्धार गरिएकामध्ये ३२३ भन्दा बढी विदेशी नागरिक रहेको प्रवक्ता क्षेत्रीले बताए ।

‘बाढी प्रभावित क्षेत्रबाट १० हजारभन्दा बढी मानिसको उद्धार गरिएको छ, जसमा ३२३ भन्दा बढी विदेशी नागरिक रहेका छन्’ उनले भने ।