२०८३ भाद्र १८, बिहीबार १४:४५
काठमाडौं । तिलगंगा आँखा प्रतिष्ठानले विपद् प्रभावित क्षेत्रको उद्धार तथा पुनःस्थापनाका लागि प्रधानमन्त्री दैवी प्रकोप उद्धार कोषमा १ करोड ९ लाख ५१ हजार ३५२ रुपैयाँ सहयोग गरेको छ ।
प्रतिष्ठानले आफ्नोतर्फबाट १ करोड १ लाख रुपैयाँ र कर्मचारीहरूको एक दिनको पारिश्रमिकबापत ८ लाख ५१ हजार ३५१ रुपैयाँ गरी कुल १ करोड ९ लाख ५१ हजार ३५२ रुपैयाँ बिहीबार कोषमा जम्मा गरेको हो ।
यस्तै, प्रतिष्ठानको अन्तर्राष्ट्रिय साझेदार संस्था द फ्रेड हलोज फाउण्डेसन अस्ट्रेलियाले पनि २१ लाख ८१ हजार २०० रुपैयाँ सहयोग गरेको छ ।
सहयोग रकमको चेक तिलगंगा आँखा प्रतिष्ठानका प्रमुख सञ्चालन अधिकृत पिताम्बर अधिकारी, प्रमुख वित्तीय अधिकृत रामचन्द्र खनाल तथा द फ्रेड हलोज फाउण्डेसनकी नेपाल प्रतिनिधि एन्जिला दाहालले संयुक्त रूपमा अर्थमन्त्री डा। स्वर्णिम वाग्लेलाई हस्तान्तरण गरेका हुन् ।
प्रतिष्ठानका तर्फबाट गरिएको सहयोगसहित फाउण्डेसनको थप सहयोग जोड्दा विपद् उद्धारका लागि कुल १ करोड ३१ लाख ३२ हजार ५५२ रुपैयाँ उपलब्ध भएको छ ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
×