२०८३ भाद्र २०, शनिबार १३:११
काठमाडौं । चिलिमे जलविद्युत् आयोजनाको टनेलमा सम्भावित मानवीय क्षतिको खोजी तथा उद्धारलाई तीव्रता दिन नेपाली सेनाले शनिबार बिहान हेलिकोप्टरमार्फत स्काभेटर पठाएको छ ।
टनेलभित्र जमेको लेदो र थुप्रिएको भग्नावशेष हटाएर बाटो खुलाउन तथा थप खोजी र उद्धारमा सहयोग पुर्याउने उद्देश्यले स्काभेटर पठाइएको सेनाले जनाएको छ ।
बाढीपछि टनेलभित्र लेदो र भग्नावशेष थुप्रिएपछि उद्धार टोलीलाई भित्र प्रवेश गरेर खोजी गर्न कठिनाइ भइरहेको छ । टनेलमा मानिसहरू फसेका छन् वा छैनन् भन्ने यकिन गर्न चिलिमे टनेललाई सम्भावित अन्तिम स्थानका रूपमा राखेर खोजी अघि बढाइएको सेनाले जनाएको छ ।
टनेलभित्रको अवरोध हटाएपछि थप गहिराइसम्म पुगेर खोजी तथा उद्धार गर्ने तयारी गरिएको छ ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
×