२०८३ भाद्र २४, बुधबार १३:१८
काठमाडौं । प्रतिनिधिसभाको अर्थ समितिले रसुवाको भोटेकोशी बाढीले अर्थतन्त्रमा पारेको प्रभाव तथा जलवायु वित्तसँग सम्बन्धित विषयमा अध्ययन तथा विश्लेषण गर्ने भएको छ ।
अध्ययनका लागि सांसद सुशील खड्काको संयोजकत्वमा सात सदस्यीय उपसमिति गठन गरिएको छ । प्रतिनिधिसभाको अर्थ समितिको आज (बुधबार) सिंहदरबारमा बसेको बैठकले खड्काको संयोजकत्वमा उपसमिति गठन गरेको हो ।
उपसमितिका सदस्यमा सांसद नरेन्द्रकुमार केरुङ, परशुराम तामाङ, डा. पुष्पराज कँडेल, लिमा अधिकारी, पुष्प चौधरी र सुशान्त वैदिक छन् ।
समितिका सभापति डा. कृष्णहरि बुढाथोकीका अनुसार उपसमितिलाई रसुवा बाढीले अर्थतन्त्रमा पारेको प्रभाव तथा जलवायु वित्तसम्बन्धी विषयमा अध्ययन गरी असोज २ गतेभित्र प्रतिवेदन पेस गर्ने कार्यादेश दिइएको छ ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
×
