पत्रकारिता पृष्ठभूमिका ६ जना कांग्रेस महाधिवेशनमा उम्मेदवार

काठमाडौं । नेपाली कांग्रेसको १५औं महाधिवेशनमा पत्रकार पृष्ठभूमिका ६ जनाले विभिन्न पदमा उम्मेदवारी दिएका छन् । महाधिवेशन निर्वाचन समितिले निर्धारण गरेको तालिकाअनुसार मंगलबार सम्पन्न उम्मेदवारी दर्ताका क्रममा उनीहरूको उम्मेदवारी परेको हो ।

समितिका अनुसार यसअघि कांग्रेसको केन्द्रीय सदस्य रहिसकेका पत्रकार अजयबाबु शिवाकोटीले सहमहामन्त्री -खुला) पदमा उम्मेदवारी दिएका छन् । यस्तै, वरिष्ठ पत्रकार कविर राणाले केन्द्रीय सदस्य -खुला), समिरजङ्ग शाह, शिव लम्साल र बाला अधिकारीले केन्द्रीय सदस्य -पेसागततर्फ) र कमला हमालले केन्द्रीय सदस्य ९युवा, महिला ३५ वर्षमुनि० मा उम्मेदवारी दिएका हुन् ।

अधिकारी यसअघि कांग्रेसको विशेष महाधिवेशनबाट केन्द्रीय सदस्यमा निर्वाचित थिए । उनीहरू सबै जना कांग्रेसको शुभेच्छुक संस्था नेपाल प्रेस युनियनसँग समेत सम्बद्ध छन् । राणा युनियनको केन्द्रीय सल्लाहकार हुन् भने शाह पूर्व अध्यक्ष, लम्साल वर्तमान अध्यक्ष, अधिकारी पूर्वअध्यक्ष र हमाल वर्तमान केन्द्रीय सदस्य हुन् ।

कांग्रेसको १५औं महाधिवेशनको उद्घाटन असोज १८ गते भएको थियो भने नयाँ नेतृत्व चयनका लागि भोलि बिहान ७ः३० देखि साँझ ५ः०० बजेसम्म मतदानका लागि समय निर्धारण गरिएको छ ।