२०८३ कात्तिक २६, बिहीबार ०८:५९
काठमाडौं । मकवानपुरको भीमफेदी गाउँपालिका–६ स्थित चिसापानी गढीमा माइक्रो बस दुर्घटना हुँदा १० जनाको मृत्यु भएको छ भने पाँच जना घाइते भएका छन्।
प्रहरी अनुसार बिहीबार बिहान करिब ६ः१० बजे काठमाडौंबाट सर्लाहीतर्फ जाँदै गरेको माइक्रो बस सडकबाट करिब ७०० मिटर तल खसेर दुर्घटनामा परेको हो ।
दुर्घटनाका बेला माइक्रो बसमा १५ जना सवार रहेको र उनीहरूमध्ये १० जनाको मृत्यु भएको तथा पाँच जना घाइते भएको प्रारम्भिक विवरण प्राप्त भएको प्रहरीले जनाएको छ।
दुर्घटनालगत्तै घटनास्थलमा नेपाली सेना, सशस्त्र प्रहरी र नेपाल प्रहरीको संयुक्त टोलीले पनि उद्धार कार्य जारी राखेको छ।
दुर्घटनाको कारण खुल्न सकेको छैन। घाइतेहरूको अवस्था तथा मृतकको पहिचानलगायत घटनाबारे थप विवरण आउन बाँकी रहेको प्रहरीले जनाएको छ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी