‘गृहमन्त्रीकी आमा’ भन्दै भिडियो पोस्ट गर्ने तीन जना पक्राउ

Share this
740shares
मुलुकी खबर
मुलुकी खबर
clock२०८३ मंसिर २, बुधबार १७:५७

काठमाडौं । सामाजिक सञ्जाल फेसबुकमा ‘गृहमन्त्रीकी आमा’ भन्दै महिलाको भिडियो पोस्ट गरेको आरोपमा प्रहरीले थप दुई जनालाई पक्राउ गरेको छ । यसअघि मङ्गलबार पक्राउ परेका कलाकार छत्र बोगटीसहित यस प्रकरणमा पक्राउ पर्नेको सङ्ख्या तीन पुगेको छ ।

बुधबार पक्राउ पर्नेमा दाङका २८ वर्षीय शालिकराम न्यौपाने र दोलखाका ३७ वर्षीय नवरत्न तामाङ छन् । न्यौपाने चलचित्र पत्रकार सङ्घका केन्द्रीय सदस्य हुन् । भक्तपुरको सूर्यविनायकबाट पक्राउ परेका ४२ वर्षीय बोगटी मनोरञ्जन क्षेत्रमा सर्विन बोगटीका नामले परिचित छन् ।

जिल्ला प्रहरी परिसर काठमाडौँका प्रवक्ता प्रहरी उपरीक्षक दानबहादुर थापाका अनुसार ४९ वर्षीया महिलाले वैयक्तिक गोपनीयता हनन भएको भन्दै तीनै जनाविरुद्ध जाहेरी दिएकी छन् । प्रहरीले वैयक्तिक गोपनीयता सम्बन्धी ऐन, २०७५ अनुसार अनुसन्धान गरिरहेको छ ।

न्यौपानेकी पत्नी अस्मिता पाण्डेले उनी मङ्गलबारदेखि परिवारको सम्पर्कमा नआएको भन्दै बुधबार प्रहरी वृत्त सिंहदरबारमा निवेदन दिएकी थिइन् । प्रहरीले खोजतलास गरिरहेका बेला उनी पक्राउ परेको खुलेको हो ।

प्रहरीका अनुसार न्यौपानेले ‘इन्टरटेनमेन्ट रिल्स’ नामको फेसबुक पेजबाट पहिलो पटक आफूलाई ज्ञानु तामाङ बताउने महिलाको भिडियो पोस्ट गरेका थिए । त्यसपछि अन्य दुई आरोपीले पनि उक्त भिडियो सामाजिक सञ्जालमा सेयर गरेका थिए । भिडियोमा महिलाले गृहमन्त्री सुदन गुरुङ आफ्नो छोरा भएको दाबी गरेको सुनिन्छ । तर, ती महिला गृहमन्त्रीकी आमा भएको पुष्टि भएको छैन ।

जोरपाटी क्षेत्रमा बस्दै आएकी ज्ञानु तामाङले विभिन्न ठाउँमा ‘माता’का रूपमा काम गर्ने गरेको अनुसन्धानमा संलग्न अधिकारीहरूले बताएका छन् । प्रहरीका अनुसार महिलाको अनुमति बिना भिडियो खिचेर सार्वजनिक गरी गोपनीयता हनन गरिएको जाहेरीमा उल्लेख छ ।

तपाइको प्रतिक्रिया
अपांगता समावेशी विकासमा सरकारी प्रयास पर्याप्त भएनन्, कार्यान्वयनमै चुनौती
बेलबारीमा बाँसघारीभित्र जुवाखाल, प्रहरीले हान्यो छापा
निर्माण व्यवसायी महासंघ कोशीको अध्यक्षमा केशरकुमार बुढाथोकीको उम्मेदवारी, यस्तो छ प्यानल
प्रधानमन्त्रीका प्रमुख राजनीतिक सल्लाहकार बेनविरुद्ध प्रहरीमा जाहेरी
प्रहरीले ओलीको दाबी खण्डन गर्दै भन्यो, ‘कसैलाई थुन्ने अभिव्यक्ति दिएको छैन’
कांग्रेस विभाजित भइसकेको लेखकको स्वीकारोक्ति
झापादेखि कञ्चनपुरसम्मका किसानबाट डेढ लाख क्विन्टल धान किन्ने तयारी
‘गृहमन्त्रीकी आमा’ भन्दै भिडियो पोस्ट गर्ने तीन जना पक्राउ
विराटनगरमा स्व. गोल्छाको स्मृतिमा उद्योगी–व्यवसायीले गरे सम्मान तथा सहयोग
ईनम सापकोटा प्रकरणमा अप्रमाणित सूचना सार्वजनिक नगर्न प्रहरीको आग्रह
© 2024 Muluki Khabar. All Rights Reserved. Design & Develop By: Indesign Media Pvt. Ltd.