बेलबारीमा बाँसघारीभित्र जुवाखाल, प्रहरीले हान्यो छापा

Share this
658shares
मुलुकी खबर
मुलुकी खबर
clock२०८३ मंसिर २, बुधबार १९:३४

विराटनगर । मोरङको बेलबारीमा बाँसघारीभित्र लामो समयदेखि सञ्चालित जुवाखालमा प्रहरीले बुधबार साँझ छापा हानेको छ । जुवाखालमा छापा हानेर प्रहरीले चार जनालाई पक्राउ गरेको छ ।

बेलबारी नगरपालिका–११ नलबारीस्थित बाँसघारीभित्र अवैध रूपमा कौडा खेलिरहेको सूचनाका आधारमा इलाका प्रहरी कार्यालय बेलबारीको टोलीले छापा हानेको हो । इन्स्पेक्टर राजीव गिरीको नेतृत्वमा खटिएको टोलीले साँझ ५ः५० बजेतिर छापा हानेर जुवा खेलिरहेको अवस्थामा चार जनालाई नियन्त्रणमा लिएको छ ।

मोरङ प्रहरीका सूचना अधिकारी डीएसपी मकेन्द्रकुमार मिश्रका अनुसार पक्राउ पर्नेमा मोरङको कानेपोखरी गाउँपालिका–२ का ५१ वर्षीय खमानसिंह लिम्बू, ५७ वर्षीय कल्याणबहादुर थापा र ३८ वर्षीय नरेश राजवंशी तथा सुन्दरहरैँचा नगरपालिका–१ का ४९ वर्षीय रामकुमार राई रहेका छन् । जुवाखालबाट ४५ हजार ८२५ रुपैयाँ नगद, ११ वटा कौडा, जुवा खेल्न ओछ्याइएका चारवटा चट्टीपिरा, एउटा कार्पेट र कौडा खेल्न प्रयोग गरिएका काठका चारवटा फ्रेम बरामद गरिएको जानकारी मिश्रले दिए ।

पक्राउ परेका चारै जनालाई इलाका प्रहरी कार्यालय बेलबारीमा राखिएको छ । उनीहरूमाथि थप अनुसन्धान भइरहेको प्रहरीले जनाएको छ ।

बाँसघारीभित्र ठूलो संख्यामा मानिसहरु भेला भएर जुवा खेलिरहेको सूचना प्रहरीलाई पुगेको थियो । प्रहरी पुग्नसाथ जुवाखालमा रहेका धेरै जना फरार भएका छन् । ‘बाँसघारीभित्र खुला ठाउँमा जुवाखाल सञ्चालन भइरहेको पाइयो । प्रहरी पुग्नसाथ धेरै जना भाग्न सफल भए । चार जनालाई मात्रै नियन्त्रणमा लिन सक्यौं । यस विषयमा थप अनुसन्धान भइरहेको छ,’ प्रहरी स्रोतले भन्यो ।

स्रोतका अनुसार खुला ठाउँमा जुवाखाल सञ्चालनमा रहेका कारण जुवा खेलिरहेका धेरै जनाले प्रहरी पुग्नसाथ भाग्ने मौका पाएका हुन् । बाँसघारीभित्र लामो समयदेखि सञ्चालित जुवाखालमा जुवा खेल्नलाई टाढा–टाढाबाट मानिसहरु आउने गरेको स्थानीय बताउँछन् ।

तपाइको प्रतिक्रिया
अपांगता समावेशी विकासमा सरकारी प्रयास पर्याप्त भएनन्, कार्यान्वयनमै चुनौती
बेलबारीमा बाँसघारीभित्र जुवाखाल, प्रहरीले हान्यो छापा
निर्माण व्यवसायी महासंघ कोशीको अध्यक्षमा केशरकुमार बुढाथोकीको उम्मेदवारी, यस्तो छ प्यानल
प्रधानमन्त्रीका प्रमुख राजनीतिक सल्लाहकार बेनविरुद्ध प्रहरीमा जाहेरी
प्रहरीले ओलीको दाबी खण्डन गर्दै भन्यो, ‘कसैलाई थुन्ने अभिव्यक्ति दिएको छैन’
कांग्रेस विभाजित भइसकेको लेखकको स्वीकारोक्ति
झापादेखि कञ्चनपुरसम्मका किसानबाट डेढ लाख क्विन्टल धान किन्ने तयारी
‘गृहमन्त्रीकी आमा’ भन्दै भिडियो पोस्ट गर्ने तीन जना पक्राउ
विराटनगरमा स्व. गोल्छाको स्मृतिमा उद्योगी–व्यवसायीले गरे सम्मान तथा सहयोग
ईनम सापकोटा प्रकरणमा अप्रमाणित सूचना सार्वजनिक नगर्न प्रहरीको आग्रह
© 2024 Muluki Khabar. All Rights Reserved. Design & Develop By: Indesign Media Pvt. Ltd.