झापादेखि कञ्चनपुरसम्मका किसानबाट डेढ लाख क्विन्टल धान किन्ने तयारी

Share this
745shares
मुलुकी खबर
मुलुकी खबर
clock२०८३ मंसिर २, बुधबार १८:०५

काठमाडौं । सरकारी स्वामित्वको खाद्य व्यवस्था तथा व्यापार कम्पनी लिमिटेडले चालु आर्थिक वर्षमा किसानबाट एक लाख ५० हजार क्विन्टल धान खरिद गर्ने भएको छ । किसानलाई उत्पादनको उचित मूल्य दिलाउने र बजारमा बिचौलियाको प्रभाव घटाउने उद्देश्यले कम्पनीले झापादेखि कञ्चनपुरसम्मका विभिन्न खरिद केन्द्र र जुम्लाबाट धान सङ्कलन गर्न लागेको हो ।

धान खरिदका लागि कम्पनीले ६७ करोड ५० लाख रुपैयाँ बजेट प्राप्त गरेको छ । सरकारले समर्थन मूल्य तोके पनि सरकारी खरिद ढिलो सुरु हुँदा किसानले निजी व्यापारीलाई सस्तोमा धान बेच्नुपर्ने अवस्था रहेको गुनासो आउने गरेको थियो । यसपटक भने बाली भित्रिने समयमै खरिद प्रक्रिया सुरु गर्ने तयारी गरिएको कम्पनीले जनाएको छ ।

कम्पनीका सूचना अधिकारी माधव मिश्रका अनुसार सरकारले निर्धारण गरेको न्यूनतम समर्थन मूल्यमा किसानबाट सिधै धान खरिद गर्न आवश्यक प्रशासनिक तथा प्राविधिक तयारी पूरा भएको छ । तराईका विभिन्न खरिद केन्द्र र जुम्लाको मार्सी धानलाई समेटेर कोटा निर्धारण गरिएको उनले बताए ।

खरिद विभाग प्रमुख अन्तरराज पौडेलका अनुसार स्थानीय उत्पादन, धानको जात र बजारको मागलाई ध्यानमा राखेर केन्द्रगत कोटा बाँडफाँट गरिएको छ । कम्पनीले बर्दियाको राजापुर र कैलालीको धनगढीबाट ३०–३० हजार क्विन्टल धान खरिद गर्ने लक्ष्य राखेको छ । धनुषाको जनकपुरबाट १४ हजार, झापाको बिर्तामोडबाट १२ हजार तथा मोरङको विराटनगर, पर्साको वीरगञ्ज र बाँकेको नेपालगञ्जबाट १०–१० हजार क्विन्टल खरिद गरिनेछ ।

त्यस्तै, सिराहाको लहान र कञ्चनपुरको महेन्द्रनगरबाट आठ–आठ हजार, रुपन्देहीको भैरहवा र दाङको तुलसीपुरबाट पाँच–पाँच हजार तथा जुम्लाबाट दुई सय क्विन्टल कालीमार्सी धान खरिद गर्ने योजना छ । जिल्लाको माग र आवश्यकताअनुसार खरिद परिमाण थपघट गर्न केही कोटा जगेडा राखिएको कम्पनीले जनाएको छ ।

तपाइको प्रतिक्रिया
अपांगता समावेशी विकासमा सरकारी प्रयास पर्याप्त भएनन्, कार्यान्वयनमै चुनौती
बेलबारीमा बाँसघारीभित्र जुवाखाल, प्रहरीले हान्यो छापा
निर्माण व्यवसायी महासंघ कोशीको अध्यक्षमा केशरकुमार बुढाथोकीको उम्मेदवारी, यस्तो छ प्यानल
प्रधानमन्त्रीका प्रमुख राजनीतिक सल्लाहकार बेनविरुद्ध प्रहरीमा जाहेरी
प्रहरीले ओलीको दाबी खण्डन गर्दै भन्यो, ‘कसैलाई थुन्ने अभिव्यक्ति दिएको छैन’
कांग्रेस विभाजित भइसकेको लेखकको स्वीकारोक्ति
झापादेखि कञ्चनपुरसम्मका किसानबाट डेढ लाख क्विन्टल धान किन्ने तयारी
‘गृहमन्त्रीकी आमा’ भन्दै भिडियो पोस्ट गर्ने तीन जना पक्राउ
विराटनगरमा स्व. गोल्छाको स्मृतिमा उद्योगी–व्यवसायीले गरे सम्मान तथा सहयोग
ईनम सापकोटा प्रकरणमा अप्रमाणित सूचना सार्वजनिक नगर्न प्रहरीको आग्रह
© 2024 Muluki Khabar. All Rights Reserved. Design & Develop By: Indesign Media Pvt. Ltd.