निर्माण व्यवसायी महासंघ कोशीको अध्यक्षमा केशरकुमार बुढाथोकीको उम्मेदवारी, यस्तो छ प्यानल

Share this
715shares
मुलुकी खबर
मुलुकी खबर
clock२०८३ मंसिर २, बुधबार १८:४९

विराटनगर । नेपाल निर्माण व्यवसायी महासंघ कोशी प्रदेशको अध्यक्षमा केशरकुमार बुढाथोकीले उम्मेदवारी दिने भएका छन् । हाल महासंघ कोशी प्रदेश कार्यसमितिमा वरिष्ठ उपाध्यक्षसमेत रहेका युवा निर्माण व्यवसायी बुढाथोकीले आगामी नेतृत्वका लागि आफ्नो प्यानलसहित चुनावी तयारी अघि बढाएका हुन् ।

वरिष्ठ उपाध्यक्षका रूपमा जिम्मेवारी सम्हाल्दा सफल कार्यकाल सम्पन्न गरेका बुढाथोकी निर्माण व्यवसायीका समस्या, पेसागत मर्यादा र व्यवसायको संस्थागत विकासलाई प्राथमिकतामा राख्दै अध्यक्षको दौडमा उत्रिएका हुन् । नेतृत्वमा रहेर प्राप्त गरेको अनुभवलाई अब प्रदेशस्तरको नेतृत्वमार्फत थप प्रभावकारी बनाउने उनको लक्ष्य छ ।

बुढाथोकीले निर्माण व्यवसायलाई मर्यादित, व्यवस्थित र व्यावसायिक बनाउन पहल गर्ने, प्रदेश सरकारसँग आवश्यक समन्वय र सहकार्य गरी निर्माण व्यवसायीका समस्या समाधान गर्ने तथा युवा निर्माण व्यवसायीलाई यस क्षेत्रमा आकर्षित गर्ने एजेन्डा अघि सारेका छन् । त्यस्तै, निर्माण व्यवसायीको क्षमता र दक्षता अभिवृद्धिका लागि नियमित वृत्तिविकाससम्बन्धी तालिम सञ्चालन गर्ने, पेसागत हकहितको संरक्षण गर्ने र व्यवसायीका साझा समस्यालाई संस्थागत रूपमा उठान गरी समाधानका लागि पहल गर्ने उनको प्रतिबद्धता छ ।

बुढाथोकीको प्यानलबाट वरिष्ठ उपाध्यक्षमा रमेश कार्की उम्मेदवार बन्ने भएका छन् । त्यस्तै, द्वितीय उपाध्यक्षमा चन्द्र सापकोटा, तृतीय उपाध्यक्षमा मिलन बस्नेत, महासचिवमा सन्तोष बस्नेत, नीतिगत उपमहासचिवमा लीला गुरागाईं, आन्तरिक उपमहासचिवमा चन्द्र पाठक, कोषाध्यक्षमा किशोर भट्टराई र सहकोषाध्यक्षमा मनोज राई उम्मेदवार बन्ने भएका छन् ।

हाल कार्की महासंघ कोशी प्रदेश कार्यसमितिका महासचिव, सापकोटा तृतीय उपाध्यक्ष, सन्तोष बस्नेत कोशीको कोषाध्यक्ष तथा गुरागाईं, पाठक र भट्टराई कोशीका सदस्य हुन् । मिलन बस्नेत निर्माण व्यवसायी संघ झापाका निवर्तमान अध्यक्ष र मनोज राई निर्माण व्यवसायी संघ धनकुटाका निवर्तमान महासचिव हुन् ।

महासंघको प्रदेश कमिटी २१ सदस्यीय हुनेछ । कमिटीमा आठ जना सदस्य निर्वाचनबाट चयन हुनेछन् भने तीन जना सदस्य पछि मनोनीत गरिने व्यवस्था छ । प्रदेशका १४ वटै जिल्लाका निर्माण व्यवसायी संघका अध्यक्ष पदेन सदस्य रहनेछन् ।

नेपाल निर्माण व्यवसायी महासंघ कोशी प्रदेशको १६औँ साधारणसभा तथा नवौँ अधिवेशन मंसिर ४ र ५ गते विराटनगरमा हुँदैछ । महासंघका अध्यक्ष निकोलस पाण्डेले मंसिर ४ गते अधिवेशनको उद्घाटन गर्ने कार्यक्रम छ । उद्घाटनपछि बन्दसत्र सम्पन्न गरी निर्वाचन प्रक्रिया अघि बढाइनेछ ।

मंसिर ५ गते नयाँ नेतृत्व चयनका लागि निर्वाचन हुनेछ । अधिवेशनले आगामी कार्यकालका लागि प्रदेश महासंघको नयाँ नेतृत्व चयन गर्नेछ । अध्यक्षका प्रत्याशी बुढाथोकीले अघि सारेका एजेन्डा र उनको प्यानललाई यसपटकको निर्वाचनमा चासोका साथ हेरिएको छ । बुढाथोकीको टोलीले लामो समयदेखि प्रदेशमा निर्माण व्यवसायीहरुले भोगिरहेका समस्याको अध्ययन गर्दै समाधानका लागि सक्रिय हिसाबले पहल गरिरहेको छ ।

तपाइको प्रतिक्रिया
अपांगता समावेशी विकासमा सरकारी प्रयास पर्याप्त भएनन्, कार्यान्वयनमै चुनौती
बेलबारीमा बाँसघारीभित्र जुवाखाल, प्रहरीले हान्यो छापा
निर्माण व्यवसायी महासंघ कोशीको अध्यक्षमा केशरकुमार बुढाथोकीको उम्मेदवारी, यस्तो छ प्यानल
प्रधानमन्त्रीका प्रमुख राजनीतिक सल्लाहकार बेनविरुद्ध प्रहरीमा जाहेरी
प्रहरीले ओलीको दाबी खण्डन गर्दै भन्यो, ‘कसैलाई थुन्ने अभिव्यक्ति दिएको छैन’
कांग्रेस विभाजित भइसकेको लेखकको स्वीकारोक्ति
झापादेखि कञ्चनपुरसम्मका किसानबाट डेढ लाख क्विन्टल धान किन्ने तयारी
‘गृहमन्त्रीकी आमा’ भन्दै भिडियो पोस्ट गर्ने तीन जना पक्राउ
विराटनगरमा स्व. गोल्छाको स्मृतिमा उद्योगी–व्यवसायीले गरे सम्मान तथा सहयोग
ईनम सापकोटा प्रकरणमा अप्रमाणित सूचना सार्वजनिक नगर्न प्रहरीको आग्रह
© 2024 Muluki Khabar. All Rights Reserved. Design & Develop By: Indesign Media Pvt. Ltd.