मतदान अवधिमा सवारीसाधन चलाउन रोक, मदिरा बिक्री बन्द

Share this
739shares
मुलुकी खबर
मुलुकी खबर
clock२०८२ फागुन १४, बिहीबार ०७:०१

काठमाडौं । निर्वाचन आयोगले फागुन २० गते राति १२ बजेदेखि मतदान सम्पन्न नभएसम्म अत्यावश्यक बाहेक सबै सार्वजनिक तथा निजी सवारीसाधन सञ्चालनमा रोक लगाउने निर्णय गरेको छ ।

आयोगले गृह मन्त्रालयमार्फत सबै प्रमुख जिल्ला अधिकारी र सुरक्षा निकायलाई निर्देशन दिँदै निषेधित कार्य रोक्न र उल्लंघन भए तत्काल कारबाही गर्न आग्रह गरेको हो । फागुन १८ गते राति १२ बजेदेखि लागू हुने प्रचारप्रसार निषेध अवधिमा निर्वाचन आचारसंहिता पूर्ण रूपमा पालना गराउन पनि आयोगले निर्देशन दिएको छ ।

आयोगका अनुसार निर्वाचन (कसुर तथा सजाय) ऐन, २०७३ को दफा २४ तथा निर्वाचन आचारसंहिता, २०८२ को दफा १७ र १८ बमोजिम उल्लंघन गर्नेलाई कारबाही गरिनेछ । मतदानका दिनभन्दा केही समयअघिदेखि नै अन्तिम परिणाम घोषणा नभएसम्म मादक पदार्थ बिक्री वितरणमा प्रतिबन्ध लगाइनेछ ।

मतदानका दिन एम्बुलेन्स, दमकल, शववाहन, रक्तसञ्चार, सुरक्षा निकाय, विद्युत्, खानेपानी, ढल तथा दूरसञ्चार मर्मतका सवारी, कूटनीतिक नियोगका सवारी र आधिकारिक पास प्राप्त सवारीसाधन मात्र चल्न पाउनेछन् । आन्तरिक तथा अन्तर्राष्ट्रिय हवाई उडान भने नियमित सञ्चालन हुनेछन् ।

टिकट भएका यात्रुले विमानस्थल आवतजावत गर्दा निजी वा सम्बन्धित एयरलाइन्सको सवारी प्रयोग गर्न पाउने व्यवस्था मिलाइने आयोगले जनाएको छ । मतदाताले मतदान गर्न जाँदा मतदाता परिचयपत्र वा नागरिकता, राष्ट्रिय परिचयपत्र, राहदानी, जग्गाधनी प्रमाणपूर्जा वा सवारी चालक अनुमति पत्रमध्ये कुनै एक कागजात अनिवार्य रूपमा साथमा लिनुपर्नेछ ।

मतदानका दिन फागुन २१ गते सवारी पास वितरणका लागि निर्वाचन आयोगको सचिवालय परिसरमा विशेष एकाइ खडा गरिने पनि जनाएको छ ।

तपाइको प्रतिक्रिया
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
पटकाको बारुद चुलोमा हाल्दा जलेर सुनसरीका बालक घाइते
अस्पतालको आशामा जग्गा दिए, नबनेपछि मुख्यमन्त्री कार्यालय अगाडि आमरण अनशन
भुटानी शरणार्थी र राजनीतिक बन्दीको विषय उठाउन आग्रह
© 2024 Muluki Khabar. All Rights Reserved. Design & Develop By: Indesign Media Pvt. Ltd.