इटहरीमा कारको ठक्करबाट एक जनाको मृत्यु, तीन जना घाइते

Share this
787shares
मुलुकी खबर
मुलुकी खबर
clock२०८२ फागुन १४, बिहीबार ०८:४२

सुनसरी । सुनसरीको इटहरीमा कारको ठक्करबाट एक जनाको मृत्यु भएको छ । तीन जना घाइते भएका छन् ।

इटहरी उपमहानगरपालिका–१३ प्रगति टेक्स्टायल अगाडि बुधबार राति ९ः३० बजेतिर दुर्घटना भएको हो । सुनसरी प्रहरीका प्रवक्ता डीएसपी चन्द्रबहादुर खड्काका अनुसार विराटनगरबाट इटहरी आउँदै गरेको प्रदेश १–००१–००१ च ७५०५ नम्बरको कारले पैदलयात्रीलाई ठक्कर दिएको थियो ।

ठक्करबाट सप्तरीको छिन्नमस्ता गाउँपालिका–६ का ४७ वर्षीय गिरिजानन्द साहको मृत्यु भएको हो । गम्भीर घाइते भएका उनको उपचारका क्रममा विराटनगरको कोशी अस्पतालमा राति ११ः२० बजेतिर मृत्यु भएको प्रहरीले जनाएको छ ।

दुर्घटनामा कार चालक इटहरीका २२ वर्षीय विकी विश्वकर्मा पनि घाइते भएका छन् । उनको विराटनगरकै विराट नर्सिङ होममा उपचार भइरहेको छ ।

पैदलयात्रीलाई ठक्कर दिएपछि अनियन्त्रित बनेको कारले प्रदेश १–०२–००३ ह ४८९८ नम्बरको अटो टेम्पोलाई ठक्कर दिएको प्रहरीले जनाएको छ । प्रहरीका अनुसार कारले ठक्कर दिँदा अटो चालक वसन्त घिसिङ र अटोमा सवार प्रेमकुमार गुरुङ घाइते भएका छन् ।

दुवै जनाको विराट शिक्षण अस्पतालमा उपचार भइरहेको छ । घटनाको थप अनुसन्धान भइरहेको सुनसरी प्रहरीले जनाएको छ ।

तपाइको प्रतिक्रिया
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
पटकाको बारुद चुलोमा हाल्दा जलेर सुनसरीका बालक घाइते
अस्पतालको आशामा जग्गा दिए, नबनेपछि मुख्यमन्त्री कार्यालय अगाडि आमरण अनशन
भुटानी शरणार्थी र राजनीतिक बन्दीको विषय उठाउन आग्रह
© 2024 Muluki Khabar. All Rights Reserved. Design & Develop By: Indesign Media Pvt. Ltd.