मुलुकलाई निकास दिन राष्ट्रिय शक्ति एकजुट हुनुपर्नेमा मुख्यमन्त्री कार्कीको जोड

Share this
735shares
मुलुकी खबर
मुलुकी खबर
clock२०८२ फागुन १८, सोमबार ०८:३४

विराटनगर । कोशी प्रदेशका मुख्यमन्त्री हिक्मतकुमार कार्कीले जटिल राजनीतिक अवस्थाबाट मुलुकलाई सही निकास दिन राष्ट्रिय शक्ति एकजुट हुनुपर्ने आवश्यकता औंल्याएका छन् ।

होली पर्वको अवसरमा शुभकामना सन्देश जारी गर्दै उनले अहिलेको परिस्थितिमा विभाजन नभएर सहकार्य र एकतामार्फत मात्र राष्ट्रशक्ति निर्माण सम्भव हुने उल्लेख गरेका छन् । मुख्यमन्त्री कार्कीले रङहरूको पर्व होलीले आपसी सद्भाव, सहकार्य र जिम्मेवारीबोधलाई सुदृढ बनाउँदै सामूहिक लक्ष्यतर्फ अघि बढ्न प्रेरणा दिने विश्वास व्यक्त गरेका छन् ।

उनले भ्रम र निराशा छरेर समाजलाई कमजोर बनाउन खोज्ने प्रवृत्तिलाई परास्त गर्न सकारात्मक सोच, विवेक र आत्मविश्वास आवश्यक रहेको बताए । ‘होलीले नकारात्मकता हटाएर नयाँ ऊर्जा, उत्साह र प्रेरणा भर्ने अवसर दिन्छ,’ सन्देशमा उल्लेख छ ।

उनले प्रत्येक नेपालीले आफ्नो विवेक, बुद्धि र क्षमतालाई सही ढंगले उपयोग गर्दै राष्ट्र निर्माणको साझा अभियानमा अग्रसर हुनुपर्ने धारणा व्यक्त गरेका छन् । सुखी नेपाली र समृद्ध नेपालको राष्ट्रिय लक्ष्य हासिल गर्न एकता, सहिष्णुता र परिश्रम अपरिहार्य रहेको उनको भनाइ छ ।

नेपाल बहुजातीय, बहुसांस्कृतिक र बहुभाषिक विशेषताले सम्पन्न मुलुक भएको उल्लेख गर्दै मुख्यमन्त्री कार्कीले यिनै विविधता र मौलिक परम्पराले नेपाली समाजलाई अझ समृद्ध र बलियो बनाएको बताए । उनले पर्व–संस्कृतिले सामाजिक एकता मजबुत बनाउँदै राष्ट्रिय पहिचानलाई सुदृढ गर्ने काम गर्दै आएको चर्चा गरे ।

हिमाली तथा पहाडी जिल्लाहरूमा सोमबार तथा तराई क्षेत्रमा मंगलबार हर्षोल्लासका साथ होली पर्व मनाइँदैछ । यस अवसरमा मुख्यमन्त्री कार्कीले सम्पूर्ण प्रदेशवासी तथा देश विदेशमा रहेका नेपाली दाजुभाइ दिदीबहिनीमा सुख, शान्ति, समृद्धि र प्रगतिको शुभकामना व्यक्त गरेका छन् ।

तपाइको प्रतिक्रिया
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
पटकाको बारुद चुलोमा हाल्दा जलेर सुनसरीका बालक घाइते
अस्पतालको आशामा जग्गा दिए, नबनेपछि मुख्यमन्त्री कार्यालय अगाडि आमरण अनशन
भुटानी शरणार्थी र राजनीतिक बन्दीको विषय उठाउन आग्रह
भन्सार छली सुन लैजान खोज्ने चिनियाँ नागरिक पक्राउ
© 2024 Muluki Khabar. All Rights Reserved. Design & Develop By: Indesign Media Pvt. Ltd.