रास्वपा उम्मेदवार आशिका तामाङको उम्मेदवारीमा पिआर विवाद

Share this
635shares
मुलुकी खबर
मुलुकी खबर
clock२०८२ फागुन २०, बुधबार १२:५४

धादिङ। राष्ट्रिय स्वतन्त्र पार्टी (रास्वपा) बाट धादिङ क्षेत्र नम्बर १ मा प्रतिनिधि सभा सदस्यकी उम्मेदवार आशिका तामाङको उम्मेदवारीलाई लिएर कानुनी विवाद सुरु भएको छ। जर्मनीको स्थायी बसोबास अनुमतिपत्र (पिआर) लिएको प्रमाण सामाजिक सञ्जालमा सार्वजनिक भएपछि उनको योग्यतामाथि प्रश्न उठेको हो।

प्रतिनिधि सभा सदस्य निर्वाचन ऐन, २०७४ को दफा १२ मा स्पष्ट व्यवस्था भएअनुसार केवल नेपाली नागरिक मात्र निर्वाचनमा उम्मेदवार बन्न योग्य हुन्छन्। तामाङले जर्मनीको पिआर लिएको दाबीसहितका कागजात बाहिरिएपछि उनी कानुनी रूपमा उम्मेदवार रहन मिल्ने वा नमिल्ने विषयमा बहस चर्किएको छ। कानुन व्यवसायीहरूका अनुसार विदेशी मुलुकको पिआर लिने व्यक्तिले नेपालको निर्वाचनमा भाग लिनु नैतिक र कानुनी रूपमा गलत हुन सक्छ।

अधिवक्ता रामचन्द्र कोइरालाका अनुसार निर्वाचन कसुर तथा सजाय ऐनले विदेशी नागरिक वा विदेशी आवासीय अनुमति प्राप्त व्यक्तिलाई मतदानको अधिकार दिँदैन। मतदानकै अधिकार नभएको व्यक्ति उम्मेदवार बन्नु कानुनविपरीत हुने उनको तर्क छ।

तामाङले भने आफूसँग विदेशी परिचयपत्र नरहेको र केवल नेपाली नागरिकता तथा पासपोर्ट मात्र रहेको दाबी गर्दै आएकी छिन्। केही समयअघि उनको नामबाट निर्वाचन आयोगमा उम्मेदवारी फिर्ताको नक्कली इमेल समेत पठाइएको थियो, जसको उनले खण्डन गरेकी थिइन्।

धादिङ-१ मा चर्चामा रहेकी तामाङको उम्मेदवारीका विषयमा निर्वाचन आयोगले अहिलेसम्म कुनै अन्तिम निर्णय गरिसकेको छैन। निर्वाचनको अघिल्लो दिन यस्तो गम्भीर प्रमाण सार्वजनिक हुनुले चुनावी माहोलमा तरङ्ग ल्याएको छ। यसअघि पनि नेपालमा दोहोरो नागरिकता वा विदेशी पिआरका कारण कतिपयको राजनीतिक भविष्य संकटमा परेका उदाहरणहरू छन्।

तपाइको प्रतिक्रिया
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
पटकाको बारुद चुलोमा हाल्दा जलेर सुनसरीका बालक घाइते
अस्पतालको आशामा जग्गा दिए, नबनेपछि मुख्यमन्त्री कार्यालय अगाडि आमरण अनशन
भुटानी शरणार्थी र राजनीतिक बन्दीको विषय उठाउन आग्रह
भन्सार छली सुन लैजान खोज्ने चिनियाँ नागरिक पक्राउ
© 2024 Muluki Khabar. All Rights Reserved. Design & Develop By: Indesign Media Pvt. Ltd.