देशभर सुरु भयो मतदान

Share this
659shares
मुलुकी खबर
मुलुकी खबर
clock२०८२ फागुन २१, बिहीबार ०७:१७

काठमाडौं । प्रतिनिधिसभा निर्वाचन २०८२ को मतदान देशभर सुरु भएको छ । बिहीबार बिहान ७ बजेबाट मतदान सुरु भएको हो ।

निर्वाचन आयोगले मतदान सुचारु रुपमा भइरहेको जानकारी दिँदै मतदाता सबैले सहज रुपमा मतदान गर्न सक्ने उल्लेख गरेको छ । निर्वाचन आयोगका प्रवक्ता नारायणप्रसाद भट्टराईका देशव्यापी रुपमा मतदान सुरु भएको छ ।

मतदाताले अपराह्न ५ बजेसम्म मतदान गर्न पाउनेछन् । निर्वाचन आयोगले मतदाता परिचयपत्र, नागरिकता प्रमाणपत्र, राष्ट्रिय परिचयपत्र, सवारी चालक अनुमतीपत्र, राहदानी वा लालपूर्जा देखाएर मतदान गर्न सकिने जनाएको छ ।

महिला र पुरुषका लागि छुट्टाछुट्टै लाइनको व्यवस्था छ । अपांगता भएका, वृद्धवृद्धा, बिरामी, सुत्केरी र गर्भवती महिलालाई लाइनमा बस्न नपर्ने विशेष सुविधा छ ।

देशभर १० हजार ९६७ मतदान स्थलमा २३ हजार ११२ मतदान केन्द्र निर्धारण गरिएको छ । यसमध्ये ३ हजार ६८० अति संवेदनशील, ४ हजार ४४२ संवेदनशील र २ हजार ८४५ सामान्य मतदान केन्द्र रहेका छन् । साथै, १४३ अस्थायी मतदान स्थल पनि तोकिएका छन् ।

निर्वाचन सुरक्षा व्यवस्थित गर्न ठूलो संख्यामा नेपाली सेना, नेपाल प्रहरी, सशस्त्र प्रहरी र निर्वाचन प्रहरी परिचालन गरिएको छ । राष्ट्रिय अनुसन्धान विभागका कर्मचारी पनि खटाइएको छ । मतदान सम्पन्न गराउन दुई लाख १५ हजार सरकारी कर्मचारी खटिएका छन् ।

देशभरका मतदाताले प्रतिनिधिसभा सदस्य चयनका लागि मतदान गर्दैछन् । निर्वाचन आयोगले मतदातालाई आफ्नो मतदानको अधिकार प्रयोग गर्न आह्वान गर्दै कुनै प्रकारको डर वा दबाबबिना मतदान गर्न आग्रह गरेको छ । मतदान सुरु भएसँगै देशभर उच्च सुरक्षा सतर्कता अपनाइएको छ ।

तपाइको प्रतिक्रिया
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
पटकाको बारुद चुलोमा हाल्दा जलेर सुनसरीका बालक घाइते
अस्पतालको आशामा जग्गा दिए, नबनेपछि मुख्यमन्त्री कार्यालय अगाडि आमरण अनशन
भुटानी शरणार्थी र राजनीतिक बन्दीको विषय उठाउन आग्रह
भन्सार छली सुन लैजान खोज्ने चिनियाँ नागरिक पक्राउ
© 2024 Muluki Khabar. All Rights Reserved. Design & Develop By: Indesign Media Pvt. Ltd.