झापा–५ चुनावी सुरक्षाको ‘इपिसेन्टर’

Share this
804shares
मुलुकी खबर
मुलुकी खबर
clock२०८२ फागुन २१, बिहीबार ०७:३०

दमक । झापाको निर्वाचन क्षेत्र नम्बर ५ लाई चुनावी सुरक्षाको ‘इपिसेन्टर’ बनाइएको छ । उक्त निर्वाचन क्षेत्र देशकै सबैभन्दा संवेदनशीलमा पर्छ ।

मतदानका दिन बिहीबार बिहानैबाट उच्च सतर्कता अपनाइएको छ । मुख्य प्रतिस्पर्धा पूर्वप्रधानमन्त्री तथा नेकपा (एमाले)का अध्यक्ष केपी शर्मा ओली र राष्ट्रिय स्वतन्त्र पार्टी (रास्वपा)का वरिष्ठ नेता बालेन्द्र शाह (बालेन)बीच हुने अपेक्षा गरिएको छ ।

झापा प्रहरी प्रमुख एसपी बसुन्धरा खड्काका अनुसार झापा–५ लाई अति संवेदनशील मान्दै सुरक्षा रणनीति तय गरिएको छ । उक्त निर्वाचन क्षेत्रमा शान्तिपूर्ण रुपले निर्वाचन सम्पन्न गराउन एसएसपी, एसीपी लगायतका उच्च सुरक्षा अधिकारीहरू खटिएका छन् ।

निर्वाचनलाई असर गर्ने गतिविधि नियन्त्रणमा लिनका लागि सबै उपाय अवलम्बन गरिने एसपी खड्काले बताइन् । उक्त क्षेत्रमा ठूलो संख्यामा नेपाली सेना, नेपाल प्रहरी र सशस्त्र प्रहरी परिचालन गरिएको छ ।

दमकमा नेपाली सेनाको आफ्नै हेलिप्याड निर्माण गरी हवाई गस्ती सुरु गरिएको छ । जमिनमा बख्तरबन्द गाडी र विशेष फौज परिचालन गरिएको छ । बम डिस्पोजल टोली ‘हाई अलर्ट’मा राखिएको छ ।

सुरक्षाकर्मी उपस्थिति बाक्लो बनाइँदा झापा–५ चुनावी सुरक्षाको ‘इपिसेन्टर’ बनेको हो । विद्यार्थीहरूलाई ‘माइन रिस्क एजुकेशन’ कक्षामार्फत शंकास्पद वस्तु भेटिएमा सुरक्षित रहने र सुरक्षा निकायलाई खबर गर्ने तरिका सिकाइएको छ ।

झापा–५ मा रहेका १ लाख ६३ हजार ३ सय ७९ मतदातामध्ये पुरुष ८१ हजार ८१, महिला ८२ हजार २ सय ९६ र अन्य २ जना छन् । मतदानका लागि ६१ वटा मतदानस्थल र १८५ मतदान केन्द्र तोकिएको छ । सबै केन्द्रमा बिहान ७ बजेबाट मतदान सुरु भइसकेको छ ।

मतगणना दमकस्थित अग्र्यानिक कृषि भवनमा हुनेछ । मतपेटिका ढुवानी र गणना प्रक्रियामा सेनाको प्रत्यक्ष निगरानी रहनेछ । गणना स्थलमा कर्मचारीहरूले मतगणना गर्नेछन् । उम्मेदवारका प्रतिनिधि हेर्न मात्रै पाउनेछन् ।

दमक, गौरादह, तोपगाछी, गौरीगञ्जलगायतका क्षेत्रलाई केन्द्रित गरेर सुरक्षा व्यवस्था चुस्त पारिएको छ । झापा–५ यसरी देशको निर्वाचन ‘इपिसेन्टर’ बनेको छ । राजनीतिक प्रतिष्ठा र ऐतिहासिक एवं राजनीतिक कारणले सुरक्षा व्यवस्थापनमा कुनै कमजोरी हुन नदिइएको प्रहरीले जनाएको छ ।

तपाइको प्रतिक्रिया
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
पटकाको बारुद चुलोमा हाल्दा जलेर सुनसरीका बालक घाइते
अस्पतालको आशामा जग्गा दिए, नबनेपछि मुख्यमन्त्री कार्यालय अगाडि आमरण अनशन
भुटानी शरणार्थी र राजनीतिक बन्दीको विषय उठाउन आग्रह
© 2024 Muluki Khabar. All Rights Reserved. Design & Develop By: Indesign Media Pvt. Ltd.