
धनगढी । प्रतिनिधिसभा सदस्य निर्वाचन अन्तर्गत कैलालीमा १०७ वर्षीय ज्येष्ठ नागरिकले मतदान गरेका छन्। कैलालीको धनगढीस्थित पञ्चोदय माध्यमिक विद्यालयमा रहेको मतदान केन्द्र पुगेर १०७ वर्षका जनकलाल दाहालले आफ्नो मताधिकार प्रयोग गरेका हुन्।
गत भदौमा भएको ‘जेनजी आन्दोलन’ पछि प्रतिनिधिसभा विघटन भएकाले आज देशभर नयाँ सदस्य चयनका लागि मतदान भइरहेको छ। ज्येष्ठ नागरिक दाहालको यो सहभागिताले लोकतन्त्रप्रतिको निष्ठा र चुनावी उत्साहलाई थप उजागर गरेको छ।
यस्तै उत्साह उदयपुरमा पनि देखिएको छ। उदयपुरगढी नगरपालिका–६ जगरेटारका १०२ वर्षीय अमृतबहादुर कार्कीले नेपालटार माध्यमिक विद्यालयस्थित मतदान केन्द्र (क) बाट मतदान गरेका छन्। देशभरका विभिन्न मतदान केन्द्रहरूमा ज्येष्ठ नागरिकहरू उत्साहका साथ सहभागी भइरहेको खबर प्राप्त भइरहेको छ।

























