
काठमाडौं। सर्लाही क्षेत्र नम्बर ४ को प्रतिनिधिसभा निर्वाचनको मतगणना सुरु भएसँगै नेपाली कांग्रेसका सभापति गगन थापा पछि परेका छन्। निर्वाचन अधिकृतको कार्यालयले दिएको प्रारम्भिक जानकारी अनुसार स्वतन्त्र उम्मेदवारका रूपमा परिचित तर यसपटक राष्ट्रिय स्वतन्त्र पार्टी (रास्वपा) बाट चुनावी मैदानमा रहेका अमरेशकुमार सिंहले अग्रता बनाएका छन्।
पछिल्लो मतपरिणाम अनुसार सिंहले १ हजार ९ सय ८ मत प्राप्त गरी पहिलो स्थानमा रहेका छन्। उनलाई पछ्याइरहेका नेपाली कांग्रेसका सभापति थापाले ५ सय ३६ मत मात्र प्राप्त गरेका छन्। त्यस्तै, नेपाली कम्युनिस्ट पार्टीका उम्मेदवार रजनिस राय ३ सय ७९ मतका साथ तेस्रो स्थानमा देखिएका छन्।
कांग्रेसको बलियो क्षेत्र मानिएको सर्लाही ४ मा सभापति थापाको यो सुरुवाती नतिजाले राजनीतिक वृत्तमा निकै चर्चा पाएको छ। मतगणना भर्खरै सुरु भएकाले आगामी चरणमा परिणाममा फेरबदल हुन सक्ने अनुमान गरिएको छ।

























