
उदयपुर । उदयपुर क्षेत्र नम्बर १ मा राष्ट्रिय स्वतन्त्र पार्टी (रास्वपा) का उम्मेदवार पारशमणि गेलाल भारी मतान्तरले विजयी भएका छन् । अन्तिम मत परिणाम अनुसार ३० हजार ५ सय ९० मत प्राप्त गर्दै गेलाल १८ हजार ९८४ मतको फराकिलो अग्रतासहित निर्वाचित भएका हुन् ।
गेलालका निकटतम प्रतिस्पर्धी श्रम संस्कृति पार्टीका राजेशकुमार राईले ११ हजार ६०६ मत प्राप्त गरे । यस्तै, नेपाली कम्युनिस्ट पार्टीका बलदेव चौधरीले १० हजार २१, नेपाली कांग्रेसका विदुर बस्नेतले ९ हजार ६७५ र नेकपा (एमाले) का दुर्गाकुमार थापाले ९ हजार २०६ मत प्राप्त गरे । राष्ट्रिय प्रजातन्त्र पार्टीका सुभासचन्द्र खड्काले ९४१ मत पाउँदा अन्य दल तथा स्वतन्त्र उम्मेदवारहरूको मत सङ्ख्या न्यून रह्यो ।
यस क्षेत्रमा कुल ८० हजार ५९ मत खसेकोमा ७३ हजार ९१६ मत सदर र ६ हजार १४३ मत बदर भएको निर्वाचन कार्यालयले जनाएको छ । क्षेत्र नं. १ मा रास्वपाको यो जितसँगै उदयपुरका दुवै प्रतिनिधिसभा क्षेत्रमा रास्वपाले ‘क्लिन स्वीप’ गरेको छ । यसअघि क्षेत्र नं. २ बाट रास्वपाकै सूर्यबहादुर लामा विजयी भइसकेका छन् ।
























