हर्क साम्पाङको स्टाटसमा बालेन शाहको प्रेमिल प्रतिक्रिया: सम्बन्धमा सुधारको संकेत

Share this
707shares
मुलुकी खबर
मुलुकी खबर
clock२०८२ फागुन २४, आइतबार १५:१४

काठमाडौं । सुनसरी–१ बाट प्रतिनिधिसभा सदस्यमा निर्वाचित श्रम संस्कृति पार्टीका अध्यक्ष हर्कराज साम्पाङ राई र राष्ट्रिय स्वतन्त्र पार्टी (रास्वपा) का वरिष्ठ नेता बालेन शाहबीचको सम्बन्धमा लामो समयपछि सुधारको संकेत देखिएको छ ।

अध्यक्ष साम्पाङले सामाजिक सञ्जाल फेसबुकमार्फत आफ्नो विजयको घोषणा गर्दै ‘जय माटो, जय देश, जय श्रम संस्कृति’ भनी लेखेको स्टाटसमा नेता शाहले प्रतिक्रिया दिएपछि दुई नेताबीचको दूरी घट्ने अनुमान गरिएको छ ।

साम्पाङको उक्त स्टाटसमा प्रतिक्रिया जनाउँदै बालेनले लेखेका छन्, ‘तपाईलाई सँधै माया थियो, छ र रहन्छ । तपाई र धरानलाई सँधै माया रहन्छ ।’ विगत केही समयदेखि सार्वजनिक मञ्च र सामाजिक सञ्जालमार्फत एक-अर्काको कडा आलोचनामा उत्रिएका यी दुई चर्चित नेताहरूबीचको यो संवादलाई राजनीतिक वृत्तमा अर्थपूर्ण रूपमा हेरिएको छ । विशेषगरी गत भदौ २३-२४ को ‘जेनजी विद्रोह’ र अन्तरिम सरकार गठनका विषयमा साम्पाङले बालेनको तीव्र विरोध गर्दै आएका थिए ।

यसअघि साम्पाङले प्रधानमन्त्रीका लागि बालेन शाहभन्दा रास्वपा सभापति रवि लामिछाने उपयुक्त हुने धारणा सार्वजनिक गरेका थिए । उनले संसदमा सांसदहरूले उठाएका प्रश्नको डटेर सामना गर्न सक्ने व्यक्ति नै कार्यकारी प्रमुख हुनुपर्ने तर्क राख्दै आएका थिए ।

बालेनले साम्पाङका कडा आलोचनाहरूमा विरलै मात्र प्रतिक्रिया दिने गरे पनि आइतबारको यो हार्दिकतापूर्ण टिप्पणीले दुवै नेताका समर्थकहरू माझ उत्साह थपेको छ । साम्पाङको अभिव्यक्ति र बालेनको जवाफमा अन्य सामाजिक सञ्जाल प्रयोगकर्ताहरूले समेत सकारात्मक प्रतिक्रिया दिइरहेका छन् ।

तपाइको प्रतिक्रिया
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
पटकाको बारुद चुलोमा हाल्दा जलेर सुनसरीका बालक घाइते
अस्पतालको आशामा जग्गा दिए, नबनेपछि मुख्यमन्त्री कार्यालय अगाडि आमरण अनशन
भुटानी शरणार्थी र राजनीतिक बन्दीको विषय उठाउन आग्रह
भन्सार छली सुन लैजान खोज्ने चिनियाँ नागरिक पक्राउ
खराब मौसमले विराटनगरका बिहानका सबै उडान रद्द, सयौँ यात्रु प्रभावित
© 2024 Muluki Khabar. All Rights Reserved. Design & Develop By: Indesign Media Pvt. Ltd.