समानुपातिकमा खुम्चिए कांग्रेस र एमाले

Share this
724shares
मुलुकी खबर
मुलुकी खबर
clock२०८२ फागुन २७, बुधबार १६:०६

काठमाडौं। फागुन २१ गते सम्पन्न प्रतिनिधिसभा सदस्य निर्वाचन अन्तर्गत प्रत्यक्ष र समानुपातिक दुवैतर्फको मतगणना बुधबार सकिएको छ । निर्वाचन आयोगका सहायक प्रवक्ता कुलबहादुर जिसीले समानुपातिकतर्फका सबै क्षेत्रको गणना सकिएको जानकारी दिए ।

यस निर्वाचनमा राष्ट्रिय स्वतन्त्र पार्टी (रास्वपा) ले ऐतिहासिक सफलता हात पारेको छ । प्रत्यक्षतर्फ रास्वपाले १२५ सिट जितेको छ भने नेपाली कांग्रेसले १८, नेकपा एमालेले ९, श्रम संस्कृति पार्टीले ३, राप्रपाले १ र स्वतन्त्र उम्मेदवारले १ सिट जितेका छन् ।

समानुपातिकतर्फ पनि रास्वपा ५१ लाख ५७ हजार १३० मतका साथ पहिलो स्थानमा छ । दोस्रो स्थानमा रहेको नेपाली कांग्रेसले १७ लाख ५५ हजार ८७२ र तेस्रो स्थानको नेकपा एमालेले १४ लाख ५२ हजार ७५८ मत प्राप्त गरेका छन् । यस्तै, नेपाली कम्युनिस्ट पार्टीले ८ लाख ९ हजार ५७७, श्रम संस्कृति पार्टीले ३ लाख ८५ हजार ७४१ र राष्ट्रिय प्रजातन्त्र पार्टीले ३ लाख ३० हजार २६८ मत पाएका छन् ।

विगतको तुलनामा प्रमुख दलहरूको जनमत उल्लेख्य रूपमा घटेको देखिएको छ । २०७९ को निर्वाचनमा २८ लाख ४५ हजार ६४१ मत पाएको नेकपा एमाले यसपटक १४ लाख ५२ हजार ७५८ मतमा सीमित भएको छ । यो अघिल्लो निर्वाचनको तुलनामा १३ लाख ९२ हजार ८८३ ले कम हो । त्यस्तै, नेपाली कांग्रेसको मत पनि ९ लाख ६० हजार ५३० ले घटेर १७ लाख ५४ हजार ६९५ मा झरेको छ ।

समानुपातिकतर्फ प्राप्त मतका आधारमा सिट बाँडफाँट गर्दा रास्वपाले ५७, कांग्रेसले २०, एमालेले १६, नेपाली कम्युनिस्ट पार्टीले ९, श्रम संस्कृति पार्टीले ४ र राप्रपाले ४ सिट पाउने देखिएको छ ।

अबको संसदमा कूल २७५ सदस्यमध्ये रास्वपाका १८२, कांग्रेसका ३८, एमालेका २५, नेपाली कम्युनिस्ट पार्टीका १७, श्रम संस्कृति पार्टीका ७, राप्रपाका ५ र १ जना स्वतन्त्र सांसद रहनेछन् । अघिल्लो निर्वाचनमा जम्मा २१ सिट जितेको रास्वपा यसपटक स्पष्ट बहुमतसहित ठुलो दल बनेको छ ।

यस निर्वाचनमा जनमत, जसपा, लोसपा, नाउपा, नेमकिपा र जनमोर्चाले राष्ट्रिय पार्टीको हैसियत गुमाएका छन् । अर्कोतर्फ, हर्क साम्पाङ नेतृत्वको श्रम संस्कृति पार्टी नयाँ शक्तिका रूपमा उदाएको छ । निर्वाचनमा कूल ६७ वटा राजनीतिक दल सहभागी भएका थिए ।

तपाइको प्रतिक्रिया
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
पटकाको बारुद चुलोमा हाल्दा जलेर सुनसरीका बालक घाइते
अस्पतालको आशामा जग्गा दिए, नबनेपछि मुख्यमन्त्री कार्यालय अगाडि आमरण अनशन
भुटानी शरणार्थी र राजनीतिक बन्दीको विषय उठाउन आग्रह
भन्सार छली सुन लैजान खोज्ने चिनियाँ नागरिक पक्राउ
खराब मौसमले विराटनगरका बिहानका सबै उडान रद्द, सयौँ यात्रु प्रभावित
इनम सापकोटा प्रकरणमा सरकारको अनुसन्धानमाथि पोखरेलको प्रश्न
© 2024 Muluki Khabar. All Rights Reserved. Design & Develop By: Indesign Media Pvt. Ltd.