चूडामणि शर्माविरुद्धको भ्रष्टाचार मुद्दामा विशेष अदालतमा पुनः सुनुवाइ सुरु

Share this
683shares
मुलुकी खबर
मुलुकी खबर
clock२०८२ फागुन २८, बिहीबार १२:२९

काठमाडौं। आन्तरिक राजस्व विभागका तत्कालीन महानिर्देशक चूडामणि शर्माविरुद्धको गैरकानुनी सम्पत्ति आर्जन र राजस्व चुहावटसम्बन्धी दुई छुट्टाछुट्टै भ्रष्टाचार मुद्दामा विशेष अदालतमा पुनः सुनुवाइ सुरु भएको छ । विशेष अदालतका न्यायाधीशहरू नारायणप्रसाद पौडेल, उमेश कोइराला र विदुर कोइरालाको इजलासमा यी मुद्दाहरूको सुनुवाइका लागि पेसी तोकिएको हो ।

शर्मासहित कर फर्छ्यौट आयोगका तत्कालीन अध्यक्ष लुम्बध्वज महत र सदस्य उमेश ढकालमाथि १० अर्ब २ करोड १९ लाख रुपैयाँभन्दा बढी राजस्व छुट दिएर भ्रष्टाचार गरेको अभियोग छ । अख्तियार दुरुपयोग अनुसन्धान आयोगले आयोगको कार्यक्षेत्रभन्दा बाहिर गई बदनियतपूर्वक कर मिनाहा गरेको दाबी गर्दै मुद्दा दायर गरेको थियो । यसअघि विशेष अदालतले उनीहरूलाई राजस्व चुहावटमा दोषी ठहर गर्दै कैद र जरिवानाको फैसला सुनाएको थियो ।

सोही क्रममा शर्माले सात करोड ९३ लाख रुपैयाँ बराबरको सम्पत्ति जोडेको र त्यसमध्ये चार करोड ३० लाख रुपैयाँको वैधानिक स्रोत नखुलेको भन्दै गैरकानुनी सम्पत्ति आर्जनको अर्को मुद्दा पनि दर्ता भएको थियो । उक्त मुद्दामा जफत प्रयोजनका लागि उनकी पत्नी कल्पना उप्रेती शर्मालाई पनि प्रतिवादी बनाइएको छ ।

यसअघि विशेष अदालतले गरेको फैसला त्रुटिपूर्ण भएको भन्दै शर्मासहितका प्रतिवादीहरू सर्वोच्च अदालत पुगेका थिए । सर्वोच्च अदालतले २०८२ असार २५ गते विशेष अदालतको फैसलामा स्वच्छ सुनुवाइको अवसर नदिइएको र प्रमाण मूल्याङ्कनमा गम्भीर त्रुटी रहेको औँल्याउँदै मुद्दालाई पुनः सुनुवाइका लागि विशेष अदालतमै फर्काइदिएको थियो । सर्वोच्चको सोही आदेशबमोजिम अहिले विशेष अदालतले विज्ञहरूको राय लिने र पुनः सुनुवाइ गर्ने प्रक्रिया अघि बढाएको हो ।

तपाइको प्रतिक्रिया
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
पटकाको बारुद चुलोमा हाल्दा जलेर सुनसरीका बालक घाइते
अस्पतालको आशामा जग्गा दिए, नबनेपछि मुख्यमन्त्री कार्यालय अगाडि आमरण अनशन
भुटानी शरणार्थी र राजनीतिक बन्दीको विषय उठाउन आग्रह
भन्सार छली सुन लैजान खोज्ने चिनियाँ नागरिक पक्राउ
खराब मौसमले विराटनगरका बिहानका सबै उडान रद्द, सयौँ यात्रु प्रभावित
© 2024 Muluki Khabar. All Rights Reserved. Design & Develop By: Indesign Media Pvt. Ltd.