हावाहुरीले छाना उडाएपछि समस्यामा सशस्त्र प्रहरी

Share this
764shares
मुलुकी खबर
मुलुकी खबर
clock२०८२ चैत ४, बुधबार ०७:३७
फायल फोटो ।

भोजपुर । तीव्र गतिको हावाहुरीले भोजपुर नगरपालिका–१२ कोटडाँडास्थित सशस्त्र प्रहरी बल नेपाल नम्बर ५ गुल्म हेडक्वाटरको ब्यारेकको छाना उडाइदिएको छ ।

हावाहुरीले छाना उडाएपछि सशस्त्र प्रहरी समस्यामा परेको छ । सुरक्षाकर्मीलाई बसोबासमा समस्या भइरहेको छ । गुल्म प्रमुख एवं सशस्त्रका डीएसपी दिव्यराज कोइरालाका अनुसार हावाहुरीसँगै वर्षात हुने भएकाले ब्यारेकमा रहेका सुरक्षाकर्मीलाई सुरक्षित बस्ने व्यवस्था मिलाउन गाह्रो भइरहेको छ ।

‘हामीले क्षतिको आकलन गर्दैछौं । अस्थायी उपायबाट कर्मचारीलाई राख्ने व्यवस्था गरिरहेका छौं,’ उनले भने । भोजपुरमा हावाहुरीले सशस्त्र प्रहरीको ब्यारेकसहित भौतिक संरचनामा व्यापक क्षति पुर्‍याएको छ ।

भोजपुर प्रहरीका प्रमुख डीएसपी राजु लामाका अनुसार सोमबार रातिको हावाहुरीले विभिन्न ठाउँमा क्षति गरेको छ । घरका छाना, विद्यालयका भवन, स्वास्थ्य संस्था, रेडियो र नेपाल टेलिकमको टावरहरूमा समेतमा क्षति पुगेको उनले बताए ।

जिल्ला विपद् व्यवस्थापन समितिका संयोजकसमेत रहेका प्रमुख जिल्ला अधिकारी राजन पौडेलले भने, ‘भौतिक संरचनामा परेको क्षतिको विवरण संकलन भइसकेपछि राहतको व्यवस्थापनका बारेमा छलफल गरिनेछ । स्थानीय तहहरू पनि राहत र क्षतिको विवरण संकलनमा जुटेका छन् ।’

स्थानीय र सुरक्षाकर्मीहरूले अस्थायी आवास र सुरक्षा सुनिश्चित गर्ने उपाय तत्काल आवश्यक रहेको बताएका छन् । मौसमविद्हरूले आगामी दिनमा पनि मौसममा अनिश्चितता रहेको भन्दै सतर्क रहन आग्रह गरेका छन् ।

तपाइको प्रतिक्रिया
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
पटकाको बारुद चुलोमा हाल्दा जलेर सुनसरीका बालक घाइते
अस्पतालको आशामा जग्गा दिए, नबनेपछि मुख्यमन्त्री कार्यालय अगाडि आमरण अनशन
भुटानी शरणार्थी र राजनीतिक बन्दीको विषय उठाउन आग्रह
भन्सार छली सुन लैजान खोज्ने चिनियाँ नागरिक पक्राउ
खराब मौसमले विराटनगरका बिहानका सबै उडान रद्द, सयौँ यात्रु प्रभावित
इनम सापकोटा प्रकरणमा सरकारको अनुसन्धानमाथि पोखरेलको प्रश्न
© 2024 Muluki Khabar. All Rights Reserved. Design & Develop By: Indesign Media Pvt. Ltd.