धनकुटामा अवरुद्ध सडक ६ दिनपछि खुल्यो, जोखिम भने कायमै

Share this
693shares
मुलुकी खबर
मुलुकी खबर
clock२०८२ चैत ४, बुधबार १२:४१

धनकुटा । धनकुटाको साँगुरीगढी गाउँपालिकाअन्तर्गत नाम्जे क्षेत्रमा पर्ने भेडेटार–थुम्की–लबडाँडा सडकखण्ड ६ दिनपछि पुनः सञ्चालनमा आएको छ ।

भेडेटार–रवि–राँके निर्माणाधीन खण्डअन्तर्गतको उक्त सडक गत फागुन २९ गते बिहान माथिबाट खसेको पहिरोका कारण पूर्णरूपमा अवरुद्ध बनेको थियो । पहिरोसँगै लगातारको वर्षाले अवस्था झन् जटिल बनाउँदा सडक खुलाउन ठूलो संघर्ष गर्नु पर्यो ।

सडकमा थुप्रिएको माटो हटाउन प्राविधिक तथा उपकरणीय चुनौती देखिँदा आवागमन लामो समय प्रभावित बन्यो । यात्रुहरू लामो समयसम्म अलपत्र परेका थिए भने वैकल्पिक मार्गसमेत प्रभावकारी हुन सकेको थिएन ।

निर्माण कम्पनी एपीसीओ इन्फ्राटेक प्रा.लि र सुरक्षाकर्मीको संयुक्त प्रयासमा अवरोध हटाएर सडक सञ्चालनमा ल्याइएको हो । निरन्तरको प्रयासपछि पहिरो पन्छाएर सडक पुनः सञ्चालनमा ल्याउन सकिएको इलाका प्रहरी कार्यालय भेडेटारका इन्स्पेक्टर महेश भट्टराईले बताए ।

सडकमा अझै जोखिम रहेका कारण यात्रा गर्ने यात्रु र सवारी चालकले विशेष ध्यान पुर्याउन आवश्यक रहेको उनले उल्लेख गरे । ‘सम्भावित पहिरोले सडक जोखिमपूर्ण रहेका कारण सचेत हुन सबैलाई आग्रह गरिरहेका छौं । सडक सञ्चालनमा ल्याइसकिएकाले सावधानीपूर्वक यात्रा गर्ने अवस्था भने बनेको छ,’ इन्स्पेक्टर भट्टराईले भने ।

साँगुरीगढी गाउँपालिकाका अध्यक्ष जितेन्द्र राईले सडक खुलेसँगै सवारी आवतजावत सहज भए पनि जोखिम भने कायमै रहेको जानकारी दिए । ‘जोखिम पूर्ण रूपमा हटेको छैन । अझै सुख्खा पहिरो खस्ने सम्भावना रहेकाले यात्रा गर्ने सबैले उच्च सतर्कता र सावधानी अपनाउन आवश्यक छ,’ उनले भने ।

तपाइको प्रतिक्रिया
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
पटकाको बारुद चुलोमा हाल्दा जलेर सुनसरीका बालक घाइते
अस्पतालको आशामा जग्गा दिए, नबनेपछि मुख्यमन्त्री कार्यालय अगाडि आमरण अनशन
भुटानी शरणार्थी र राजनीतिक बन्दीको विषय उठाउन आग्रह
भन्सार छली सुन लैजान खोज्ने चिनियाँ नागरिक पक्राउ
खराब मौसमले विराटनगरका बिहानका सबै उडान रद्द, सयौँ यात्रु प्रभावित
इनम सापकोटा प्रकरणमा सरकारको अनुसन्धानमाथि पोखरेलको प्रश्न
© 2024 Muluki Khabar. All Rights Reserved. Design & Develop By: Indesign Media Pvt. Ltd.