मधेसी समुदायको भूमिका ऐतिहासिक र महत्त्वपूर्ण : राष्ट्रपति पौडेल

Share this
708shares
मुलुकी खबर
मुलुकी खबर
clock२०८२ चैत ७, शनिबार ११:५८

काठमाडौं। राष्ट्रपति रामचन्द्र पौडेलले नेपालको नागरिक स्वतन्त्रताका लागि भएका हरेक सङ्घर्ष र बलिदानीपूर्ण आन्दोलनहरूमा मधेसी समुदायले ऐतिहासिक र महत्त्वपूर्ण भूमिका निर्वाह गरेको बताएका छन् । मधेसी आयोगको सातौँ वार्षिक उत्सव तथा स्थापना दिवसको अवसरमा शनिबार शीतल निवासमा आयोजित कार्यक्रमलाई सम्बोधन गर्दै उनले सो कुरा बताएका हुन् ।

राष्ट्रपति पौडेलले विभिन्न आन्दोलनहरूमा अभिव्यक्त स्वतन्त्रता, समभाव, सामाजिक न्याय, सुशासन र समृद्धिसहितको राष्ट्रिय एकताको भावना अभिवृद्धि गर्नु नै अहिले सबै नेपालीको चाहना भएको उल्लेख गरे । उनले यो चाहनालाई आत्मसात गर्दै राष्ट्र निर्माणको दायित्व पूरा गर्न सबै पक्षलाई आह्वान समेत गरे । नेपाल बहुजातीय, बहुभाषिक र बहुसांस्कृतिक विविधताले सम्पन्न राष्ट्र भएको चर्चा गर्दै उनले यस विविधताभित्र मधेसी समुदायको योगदान अतुलनीय रहेको बताए ।

ऐतिहासिक रूपमा मधेसी समुदाय राजनीतिक, सामाजिक र आर्थिक अवसरहरूबाट वञ्चित रहँदै आएको यथार्थलाई स्वीकार गर्दै राष्ट्रपतिले ती असमानता अन्त्य गर्ने उद्देश्यले नै आयोगको स्थापना गरिएको प्रस्ट पारे । आयोगले विगत सात वर्षमा मधेसी समुदायको पहिचान र अधिकारका लागि महत्त्वपूर्ण जग बसालेको भन्दै आगामी दिनमा यसलाई अझ प्रभावकारी बनाउनुपर्नेमा उनले जोड दिए ।

संविधानले आयोगलाई स्वतन्त्र र निष्पक्ष रूपमा कार्य सम्पादन गर्ने अधिकार दिएको स्मरण गराउँदै राष्ट्रपतिले हालै सार्वजनिक गरिएको प्रतिवेदनका सिफारिसहरूले मधेसी समुदायको हकहित संरक्षण र सशक्तीकरणका लागि ठोस मार्ग निर्देशन प्रदान गर्ने विश्वास व्यक्त गरे । ती सिफारिसहरूले समुदायका विद्यमान समस्या पहिचान गरी समाधानका उपायहरू समेत सुझाएको उनको भनाइ थियो ।

तपाइको प्रतिक्रिया
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
पटकाको बारुद चुलोमा हाल्दा जलेर सुनसरीका बालक घाइते
अस्पतालको आशामा जग्गा दिए, नबनेपछि मुख्यमन्त्री कार्यालय अगाडि आमरण अनशन
भुटानी शरणार्थी र राजनीतिक बन्दीको विषय उठाउन आग्रह
भन्सार छली सुन लैजान खोज्ने चिनियाँ नागरिक पक्राउ
खराब मौसमले विराटनगरका बिहानका सबै उडान रद्द, सयौँ यात्रु प्रभावित
इनम सापकोटा प्रकरणमा सरकारको अनुसन्धानमाथि पोखरेलको प्रश्न
कनकाईमा आगजनीबाट दुई कुन्यूको धान र पराल नष्ट
एकै महिनामा १२ हजारभन्दा बढी चालक कारबाहीमा
© 2024 Muluki Khabar. All Rights Reserved. Design & Develop By: Indesign Media Pvt. Ltd.