चार प्रदेशमा वर्षाको सम्भावना

Share this
719shares
मुलुकी खबर
मुलुकी खबर
clock२०८२ चैत १५, आइतबार ०६:५०

काठमाडौं । मौसम पूर्वानुमान महाशाखाका अनुसार हाल नेपालमा पश्चिमी न्यून चापीय प्रणालीसँगै स्थानीय वायुको प्रभाव कायमै रहेको छ ।

यसको असरले आज (आइतबार) बिहान देशभर सामान्यदेखि आंशिक बदली भएको छ भने कोशी र बागमती प्रदेशका केही स्थानमा मध्यम वर्षासहित हिमपात भइरहेको छ । आइतबार दिउँसो पहाडी तथा हिमाली भू–भागमा सामान्य बदली रहने र थोरै स्थानमा चट्याङसहित हल्का वर्षा तथा हिमपात हुने सम्भावना छ ।

तराई क्षेत्रमा भने आंशिक बदलीसहित मौसम सामान्यतया सफा रहनेछ । आइतबार राति कोशी, बागमती, गण्डकी र कर्णाली प्रदेशका पहाडी तथा हिमाली क्षेत्रमा बदली रहनेछ ।

यी प्रदेशका केही स्थानमा हल्का वर्षा र हिमपातको सम्भावना रहेको महाशाखाले जनाएको छ । अन्य स्थानमा मौसम सामान्य रहने पूर्वानुमान गरिएको छ ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.