प्रधानमन्त्री बालेन र लुम्बिनी प्रदेशका सांसदबीच छलफल

Share this
682shares
मुलुकी खबर
मुलुकी खबर
clock२०८२ चैत २३, सोमबार १५:४९

काठमाडौं। प्रधानमन्त्री बालेन्द्र शाहले लुम्बिनी प्रदेशका सांसदहरूसँग सिंहदरबारमा छलफल गरेका छन्। सोमबार भएको यस भेटघाटमा लुम्बिनी प्रदेशबाट प्रतिनिधित्व गर्ने संघीय संसद्का सदस्यहरूको सहभागिता रहेको प्रधानमन्त्रीको सचिवालयले जनाएको छ।

प्रधानमन्त्री शाहले पछिल्लो समय विभिन्न प्रदेशका सांसदहरूसँग पालैपालो भेटघाट गर्ने क्रमलाई तीव्रता दिएका छन्। सोही सिलसिलामा आज लुम्बिनीका सांसदहरूसँग प्रदेशको विकास, बजेट कार्यान्वयन र समसामयिक राजनीतिक विषयमा छलफल भएको हो।

यसअघि पनि प्रधानमन्त्री बालेनले अन्य प्रदेशका सांसदहरूसँग यस्तै प्रकृतिको छलफल गरिसकेका छन्। केन्द्र र प्रदेशबीचको समन्वयलाई प्रभावकारी बनाउन र स्थानीय आवश्यकतालाई संघीय सरकारको नीतिमा समेट्न यस्ता छलफल फलदायी हुने विश्वास लिइएको छ। भेटका क्रममा सांसदहरूले आफ्नो क्षेत्रका समस्या र विकास निर्माणका योजनाबारे प्रधानमन्त्रीको ध्यानाकर्षण गराएका थिए।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.