तमोर नदीमा बेपत्ता ९ वर्षीय बालकको शव फेला

Share this
747shares
मुलुकी खबर
मुलुकी खबर
clock२०८३ बैशाख ११, शुक्रबार ०८:३९

ताप्लेजुङ । ताप्लेजुङको तमोर नदीमा नुहाउने क्रममा वैशाख ५ गतेदेखि बेपत्ता भएका ९ वर्षीय बालकको शव शुक्रबार फेला परेको छ ।

प्रहरीका अनुसार मेरिङदेन गाउँपालिका–६ नाल्वु घर भई हाल फुङलिङ नगरपालिका–२ मा बसोबास गर्दै आएका फुर्वा शेर्पाको शव भेटिएको हो । फुङलिङ–२ हान्द्रुङ र मिक्वाखोला गाउँपालिका–१ खोक्लिङ बीच बग्ने तमोर नदीमा बेपत्ता भएका फुर्वाको शव मेरिङदेन गाउँपालिका–३ दोभानस्थित तमोरको किनारमा फेला परेको प्रहरीले जनाएको छ ।

नाल्वु घर भएका निङ्मा शेर्पाका छोरा फुर्वा परिवारसहित फुङलिङ–२ धोक्रेमा स्थानीय हेमन्त श्रेष्ठको घरमा बस्दै आएका थिए । खोलामा नुहाउने क्रममा उनी बेपत्ता भएका थिए । खोजी अभियानपछि शव फेला परेको प्रहरीले जनाएको छ ।

घटनापछि स्थानीय बासिन्दा र सुरक्षाकर्मीको सहयोगमा खोजी तीव्र पारिएको थियो । बालकको शव पोस्टमार्टमका लागि जिल्ला अस्पताल लगिएको प्रहरीले जनाएको छ ।

परिवारमा शोक छाएको छ । प्रहरीले नदी किनारमा सुरक्षा सचेतना आवश्यक रहेको बताएको छ । प्रहरीले घटनाको थप अनुसन्धान गरिरहेको छ ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.