२०८३ वैशाख २३, बुधबार १९:१४
काठमाडौं । सिंहदरबारभित्र सञ्चालित एउटा क्यान्टिनलाई वाणिज्य, आपूर्ति तथा उपभोक्ता संरक्षण विभागले २ लाख ५ हजार रुपैयाँ जरिवाना गरेको छ । राष्ट्रिय विपद् जोखिम न्यूनीकरण तथा व्यवस्थापन प्राधिकरणको परिसरमा रहेको हाम्रो खाजा घरमा म्याद नाघेको दही फेला परेपछि विभागले २ लाख ५ हजार रुपैयाँ जरिवाना गरेको हो ।
विभागका अनुसार उपभोक्ताको गुनासो र उजुरीका आधारमा बुधबार गरिएको आकस्मिक अनुगमनका क्रममा खाजा घरमा म्याद गुज्रिएको दही फेला परेको थियो ।
उपभोक्ता संरक्षण ऐन, २०७५ को दफा ३८ (ङ)बमोजिमको कसुर गरेको देखिएकाले सोही ऐनको दफा ३९ (१) (ख) अनुसार २ लाख ५ हजार रुपैयाँ जरिवाना गरिएको विभागले जनाएको छ ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
