२०८३ जेष्ठ २२, शुक्रबार ०९:३२
विराटनगर । मोरङको सुन्दरहरैँचामा घरनजिकै अचेत अवस्थामा भेटिएका पुरुषको मृत्यु भएको छ ।
सुन्दरहरैँचा नगरपालिका–३ का ४२ वर्षीय कुलबहादुर दाहालको बिहीबार दिउँसो मृत्यु भएको हो । उनी आफ्नै घरनजिक दिउँसो २ बजेतिर बेहोस भएर लडिरहेको अवस्थामा फेला परेका थिए ।
स्थानीयले जानकारी दिनसाथ घटनास्थल पुगेको प्रहरीले उद्धार गरेर उपचारका लागि विराटनगरको नोबेल शिक्षण अस्पताल पुर्याएको थियो । अस्पताल पुर्याउनसाथ चिकित्सकले मृत घोषणा गरिदिएको प्रहरीले जनाएको छ ।
दाहाल विगतदेखि नै छारे रोगबाट पीडित रहेको प्रारम्भिक अनुसन्धानबाट पत्ता लागेको छ । प्रहरीले घटनाको थप अनुसन्धान गरिरहेको छ ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
