रास्वपा महाधिवेशनमा गगन थापा : गल्ती गर्दा प्रश्न गर्न सक्नुपर्छ

भरतपुर । राष्ट्रिय स्वतन्त्र पार्टी रास्वपाले ४ वर्षमै पाएको जनसमर्थन लोभलाग्दो रहेको नेपाली कांग्रेसका सभापति गगन थापाले बताएका छन् । रास्वपाको पहिलो महाधिवेशनमा शुभकामना दिन पुगेका सभापति थापाले यस्ताे बताएका हुन् ।

रास्वपाले प्राप्त गरेको जनमत असाधारण रहेको उनले बताए । इतिहासमा करिब तीन चार पटकमात्रै राजनीतिक दलले यस्तो जनमत पाएको भन्दै ती प्राय सबै दुर्घटनामा परेको स्मरण गराए ।

Advertisement

‘संगठन निर्माणदेखि निर्वाचनमा सफलता प्राप्त गर्ने यो यात्रामा पार्टी सभापति रवि लामिछाने र सम्माननीय प्रधानमन्त्री बालेन शाहले जुन कुशलतापूर्वक नेतृत्व गर्नुभएको छ र तपाईंहरूले जुन साथ दिनुभएको छ तपाईंहरू सबै बधाइको पात्र हुनुहुन्छ,’ सभापति थापाले भने ।

उनले आफ्नाे रास्वपा कार्यकर्तालाई नेताले गल्ती गर्दा प्रश्न गर्न पनि आग्रह गरे । राम्राे कामकाे प्रसंशा गर्न र नराम्राे कामका लागि प्रश्न गर्न आग्रह गर्दै उनले भने,’ हामीले लास र दासहरुकाे पार्टी हाेइन् भन्न ढिलाे गर्याैं ।’