सीमा विवादमा तेस्राे पक्षकाे मध्यस्तता खाेजेकाे हाेइन : प्रधानमन्त्री

भरतपुर । नेपाल र भारतकाे सीमा विवादका विषयमा तेस्राे पक्षकाे मध्यस्तता नखाेजेकाे प्रधानमन्त्री बालेन शाहले बताएका छन् ।  प्रतिनिधिसभामा उनले सीमा विवादका विषयमा तत्कालिन ब्रिटिस सरकारसँग समन्वय गरेकाे बताएका थिए । रास्वपा महाधिवेशनमा सम्बाेधनका क्रममा उनले मध्यस्तता नखाेजेकाे बताएका हुन् ।

‘हामीसँग कालापानी लिपुलेकको प्रमाण छ । हामीले पहिले ब्रिटिसले राज गर्दाको प्रमाण ल्याउनुपर्छ भने ल्याउँछौं भनेका हौं । हामीले ब्रिटिसलाई मध्यस्त बनाउन खोजेका हैनौं,’ उनले भने ।

Advertisement

उनले छिमेकीहरूसँग प्रमाणका आधारमा कुरा गरेर सीमा समस्या हल गर्ने पनि बताए । ‘हामी हाम्रा छिमेकीहरूसँग आफैँ कुरा गरेर मिलाउँछौं । हामीसँग प्रमाण छ, ‘ उनले भने,’मेरो राष्ट्रियताप्रति कसैले पनि आशंका मान्नुपर्दैन ।’