२०८३ असार ८, सोमबार ११:३०
इनरुवा । सुनसरीको बराहक्षेत्र नगरपालिका–१ स्थित सप्तकोशी नदी किनारबाट प्रहरीले सोमबार बिहानका राति ठूलो परिमाणमा गाँजा बरामद गरेको छ ।
कोशी प्रदेश प्रहरी कार्यालय विराटनगर र इलाका प्रहरी कार्यालय महेन्द्रनगरबाट खटिएको संयुक्त टोलीले बिहान करिब ३ः१० बजेतिर गाँजा फेला पारेको थियो । सुनसरी प्रहरीका सूचना अधिकारी, डीएसपी चन्द्रबहादुर खड्काका अनुसार सप्तकोशी नदी किनारमा ट्युबमाथि बाँधिएको बाँसमा राखिएको अवस्थामा प्लास्टिकका नौवटा बोराभित्र गाँजा फेला परेको हो । बरामद गरिएको गाँजा १६८ किलोग्राम रहेको उनले बताए ।
बरामद गरिएको गाँजा इलाका प्रहरी कार्यालय महेन्द्रनगरमा लगिएको छ । गाँजा कसले र कहाँ लैजान लागेको हो भन्ने बारेमा यकिन भइसकेको छैन । प्रहरीका अनुसार गाँजा ओसारपसारमा संलग्नको खोजी तीव्र बनाएर थप अनुसन्धान अघि बढाइएको छ ।
सप्तकोशी नदी हुँदै लामो समयदेखि गाँजाको ओसारपसार भइरहेको छ । त्यसलाई मध्यनजर गर्दै निगरानी बढाइएको प्रहरीले जनाएको छ ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
