२०८३ असार ८, सोमबार १५:३१
काठमाडौं । गृहमन्त्री सुधन गुरुङले ज्यान मार्ने धम्की दिएकाे भन्दै राष्ट्रिय मानव अधिकार आयोगमा उजुरी परेको छ ।
हिरासतमा रहेको समयमा ज्यान मार्ने धम्की दिएको भन्दै सोमबार अजय सोडारी, प्रकाश बम र सुजन पौडेलले उजुरी दिएका हुन् ।
प्रधानमन्त्री वालेन्द्र शाहले संसदमा जेठ १७ गते नेपालले पनि भारतको जमिन मिचेको भन्दै विवादास्पद अभिव्यक्ति दिएपछि जेठ १९ गते लैनचौरस्थित भारतीय दूतावासअघि कालापानी, लिपुलेक र लिम्पियाधुरा नेपालको अभिन्न अङ्ग रहेको र सीमा समस्याको विषयमा भारतीय ज्यादतीको अन्त्य हुनुपर्ने माग गर्दै प्रदर्शन गर्नेक्रममा उनीहरू पक्राउ परेका थिए। पक्राउ परेको आधा घण्टापछि गुरुङ सोह्रखुट्टे प्रहरी वृत्तमा पुगेर ज्यानमार्ने धम्की दिएको उजुरी पत्रमा उल्लेख छ।
तीन युवाले उजुरी दिँदै स्थलगत अनुगमन र बयान लिन, प्रहरी कार्यालयको सिसिटीभी फुटेजलगायतको संरक्षण गर्न र दोषीमाथि कारबाही सिफारिस गर्न माग गरेका छन्।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
